Ambienti jashtë Partisë Socialiste po përgatitet për një konferencë për shtyp në orët më të vona, ku do të zyrtarizohen edhe listat zgjedhore sipas qarqeve.
Slogani i PS-së është zbuluar gjithashtu falë banerit të madh të vendosur jashtë selisë. Shqipëria e Ardhmja Jonë, do të jetë motoja e socialistëve në muajin e ardhshëm të fushatës.
Ora 24.00 dhënon edhe afatin përfundimtar të dorëzimit të listave zgjedhore nga subjektet politike.
Listat e dy partive më të mëdha në vend, ende nuk janë zbardhur. Dorëzimi i tyre pritet më tej gjatë mbrëmjes.
Ndërkohë, mbledhje të kryesive janë paralajmëruar gjatë orëve të vona të pasdites.
Partia Socialiste do të mbledhë kryesinë rreth orës 19:30. Partia Demokratike ndërkohë, ka lajmëruar mbledhje në orën 20:00.
Sipas burimeve të Albanian Post, në të dy takimet, të pranishëm do të jenë vetëm krerët e qarqeve së bashku me kryetarin e partisë përkatëse. Pjesa tjetër e kryesisë do të jetë online.
Pas përfundimit të mbledhjeve, priten të publikohen edhe listat zgjedhore të dy partive.
Lëvizja Socialiste për Integrim, i ka publikuar tashmë kandidatët që përbëjnë ekipin e 25 prillit. Dy lista të tjera janë publikuar: Ajo e Lëvizjes për Ndryshim, e kryesuar nga Jozefina Topalli, dhe Lëvizja e Re e kryesuar nga Arian Galdini.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjedhjet evropiane dhe loja e aleancave
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Policia e Shtetit duhet të rrisë rezultatet dhe besimin e publikut, thotë Balla
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar