Në mëngjesin e 20 nëntorit, ekspertët e IAEA-s raportuan se më shumë se 10 shpërthime ranë në afërsi të uzinës bërthamore të Zaporizhzhya-s.
Kjo, duke dëmtuar disa ndërtesa në vendin e uzinës.
Lajmi u bë i ditur nga faqja e internetit e IAEA-s.
“Ekspertët e IAEA-s në ZNPP i raportuan selisë së Agjencisë se më shumë se një duzinë shpërthimesh u dëgjuan për një periudhë të shkurtër kohore në mëngjes me orën lokale. Ekipi i IAEA-s mund të shihte gjithashtu disa nga shpërthimet nga dritaret e tyre”, thekson njoftimi zyrtar.
Disa ndërtesa, sisteme dhe pajisje raportohet se janë dëmtuar në vendin e ZNPP-së, por asnjëra nuk është aktualisht kritike për sigurinë bërthamore.
Nuk pati raportime për viktima.
Vihet re se ekspertët e IAEA janë në kontakt të ngushtë me administratën e stacionit dhe do të vazhdojnë të vlerësojnë situatën dhe të raportojnë për të.
Drejtori i Përgjithshëm i IAEA, Raphael Grossi, i bëri thirrje “urgjente” Ukrainës dhe Rusisë që të bien dakord dhe të zbatojnë një zonë të sigurisë bërthamore rreth ZNPP-së sa më shpejt të jetë e mundur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin