Presidentja e Kosovës, Vjosa Osmani, gjatë vizitës së saj në New York është takuar me bashkatdhetarë.
Përmes një shkrimi në rrjetin social ‘Facebook’, Osmani ka theksuar se ndër vite ata i kanë dhënë hov e mbështetje të jashtëzakonshme luftës për liri.
“Në emër të të gjithë qytetarëve dhe institucioneve të Kosovës i falënderova për kontributin e dhënë ndër dekada dhe pa të cilin nuk do të ishim këtu ku jemi sot”, ka shkruar Osmani.
Ajo ka shtuar se Kosova aspiron integrimin euroatlantik, BE-në, NATO-n dhe OKB-në ndaj kontributit të mërgatës në Amerikë
“Kosova aspiron integrimin euroatlantik, BE-në, NATO-n dhe OKB-në, ndaj kontributi i mërgatës sonë në Amerikë dhe gjithandej siç ishte vendimtar dikur, është përcaktues edhe sot. Me mbështetjen e mërgatës sonë të çmuar, Kosova do të jetë më e fuqishme përbrenda, e më e konsoliduar në aspektin ndërkombëtar”.
Ndërsa nga zyra e Presidencës është thënë se Osmani do të ketë edhe takime të tjera.
“Gjatë vizitës në New York, Presidentja Osmani, në funksion të përpjekjes për fuqizimin e subjektivitetit ndërkombëtar të Kosovës do të zhvillojë një sërë takimesh me krerë të delegacioneve të shteteve pjesëmarrëse në sesionin e Asamblesë së Kombeve të Bashkuara, zyrtarë të lartë amerikanë dhe udhëheqës të organizatave ndërkombëtare”, thuhet në njoftimin për media nga Zyra e Presidentes.
Presidentja e Kosovës, Vjosa Osmani, në kuadër të sesionit të 77-të të Asamblesë së Kombeve të Bashkuara (UNGA), në New York, është takuar edhe me krerët e shteteve të Ballkanit Perëndimor, në një takim të organizuar nga përfaqësuesi i Lartë i Bashkimit Evropian, Joseph Borell.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qoku me akuza rënda për liderët e “Frontit Evropian”: E kanë Vuçiçin, ne kemi Albinin
-
Izraeli mësyn Rafahun, ka pasur shpërthime të shumta
-
Erdogan i kërkon Perëndimit të bindë Izraelin të pranojë armëpushimin
-
Taravari, simpatizantëve të “VLEN-it: Pata ofertë nga Ahmeti, zgjodha të jem me ju – bashkëpartiakët e mi s’munden ta refuzojnë
Lajmet kryesore
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Hamasi pranon armëpushimin për Gazën, Izraeli jo