Një gjykatë në rajonin italian të Puglia-s i akordoi 33-vjeçares Antonella 500 mijë euro dëmshpërblim.
Kjo, për faktin se ajo ishte ngatërruar në maternitet pas ardhjes në jetë dhe iu dha një çifti që e keqtrajtoi vajzën dhe më pas e braktisi.
Lajmi u bë i ditur nga botimi britanik “The Times”.
Sipas materialeve të çështjes, në qershor të vitit 1989 në Canosa di Puglia, Antonella lindi nga një grua e quajtur Katerina.
Në të njëjtin maternitet, me një diferencë prej dhjetë minutash, Loreta solli në jetë një vajzë, Lorenën.
Me sa duket, nga një gabim i punonjësve të spitalit, foshnjat janë ngatërruar dhe Lorena ka përfunduar në familjen e Katerinës dhe Antonella në familjen e Loretës.
Në familjen e saj të re, vajza përjetoi një fëmijëri “të tmerrshme”, tha avokati i saj.
Babai ka rrahur Antonelën dhe më pas është larguar nga familja, për t’u rritur nga gjyshërit.
Ata, në fund, e dhanë fëmijën në një jetimore, ku u adoptua nga një familje kujdestare në moshën 15-vjeçare.
Në vitin 2012, nëna biologjike e Antonelës vuri re foton e saj në Facebook dhe njohu vajzën e saj.
Katerina e kontaktoi atë dhe i ofroi të bënte një test të ADN-së.
Dhjetë vjet më vonë, Antonella paditi autoritetet lokale për dëmshpërblim.
Si rezultat, gruaja fitoi gjyqin. Ajo dhe bashkëshorti i saj morën nga 215 mijë euro dëmshpërblim dhe djali i tyre biologjik Francesco mori 82 mijë euro të tjera.
“Paratë nuk do të ndryshojnë atë që ndodhi, nuk do të rikthejnë të kaluarën time”, tha Antonella.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës