Në Kinë, autoritetet kanë ndëshkuar 27 persona për botimin e një libri të matematikës që u bë viral për ilustrimet e tij “tragjikisht të shëmtuara”.
Prej muajsh, një hetim nga një grup pune i ministrisë kineze të Arsimit zbuloi se disa ilustrime ishin “mjaft të shëmtuara” dhe nuk “reflektonin siç duhet imazhin diellor të fëmijëve të Kinës”.
Librat e matematikës u botuan nga “People’s Education Press” thuajse 10 vjet më parë dhe thuhet se u përdorën në shkollat fillore në të gjithë vendin.
Por ata u bënë viralë në maj pasi një mësues publikoi foto të ilustrimeve, duke përfshirë njerëz me fytyra të shtrembëruara dhe pantallona të fryra, foto djemsh që kapnin fundet e vajzave dhe të një fëmije me një tatuazh në këmbë.
Shumë i kritikuan ilustrimet, madje duke spekuluar se ishin punë e qëllimshme e infiltruesve perëndimorë në sektorin e arsimit.
Kjo i vendosi në punë autoritetet e vendit për një rishikim të të gjithë teksteve shkollore “për të siguruar që tekstet t’i përmbahen drejtimit të duhur politik dhe orientimit të vlerave”.
Ata kanë thënë se 27 individë u zbuluan se kishin “neglizhuar detyrat dhe përgjegjësitë e tyre” dhe u ndëshkuan.
Kryeredaktori dhe redaktori i departamentit të matematikës u pushuan nga detyra.
Referuar deklaratës, ilustruesit dhe dizajnerët “u trajtuan në përputhje me rrethanat”. Ata dhe studiot e tyre nuk do të angazhohen më për të punuar në hartimin e teksteve shkollore ose punë të ngjashme.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës