Portieri legjendar i skuadrës së Tottenham, Hugo Lloris ka mbushur 35-vjeç. Ndaj dhe Spurs janë në kërkim të një zëvendësuesi të denjë për të.
Francezi është pjesë e Tottenham që nga viti 2012, kohë kur mbërriti nga Lyon për rreth 13 milionë euro.
Dhe që nga ajo kohë, kapiteni i Spurs dhe njëkohësisht edhe i Kombëtares së Francës numëron 418 paraqitje me anglezët, nga ku në 142 raste e ka mbajtur portën të paprekur.
Sipas gazetës britanike “Mirror”, Tottenham është i interesuar të marrë shërbimet e Illan Meslier në këtë merkato me synimin për të vazhduar rinovimin e pozicioneve specifike për sezonin e ardhshëm.
Meslier që është gjithashtu francez, aktivizohet me skuadrën e Leeds në Premier League. 22-vjeçari shikohet si një nga portierët me më shumë perspektivë në Evropë.
Antonio Conte e pëlqen talentin e Leeds për shkak dhe të aftësive të tij të lojës me këmbë. Ai ka kontratë me klubin aktual deri në verën e 2026. “Transfermarkt” e vlerëson kartonin e Meslier në shifrën e 20 milionë eurove.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Hamasi tregon se është gati për marrëveshje, izraelitët ende të përçarë
-
Raportet ndërkombëtare që shkërmoqën propagandën qeveritare