Mediat islandeze kanë raportuar se 12 persona janë deportuar nga vendi.
Kjo nën shoqërimin e Policisë dhe autoriteteve përkatëse.
Dëbimet kanë ndodhur midis 30 majit dhe 5 gushtit 2022.
Sipas informacionit nga Komisioneri Kombëtar i Policisë, individët u shoqëruan për në Gjeorgji, Shqipëri, Britani të Madhe, Greqi, Spanjë, Itali, Franca, Holanda dhe Kanada.
Komisioneri shtoi se mes individëve të dëbuar nuk kishte fëmijë.
Pesë nga personat në fjalë u deportuan për shkak të qëndrimit ilegal në Islandë.
Katër ishin të ndaluar dhe tre prej tyre iu refuzuan kërkesat për azil dhe u kthyen në vendet ku thuhet se kishin marrë më parë mbrojtje ndërkombëtare.
Në fillim të këtij viti, qeveria planifikoi të dëbonte rreth 300 njerëz nga Islanda.
Projektligji i diskutueshëm është tërhequr më vonë, duke ulur numrin e njerëzve që mund të përballen me dëbim në 197, duke kursyer familjet me fëmijë.
Gunnar Hörður Garðarsson, përfaqësues i Komisionerit Kombëtar të Policisë, tha se kërkesat për shoqërim policor trajtohen me kujdes.
Sipas tij, azilkërkuesve u jepet gjithashtu mundësia të largohen nga vendi pa shoqërim policor.
Policia informoi se në ditët në vijim do të jepte informacion më të detajuar mbi dëbimet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Deutsche Welle ngre alarmin për Ballkanin, historia mund të përsëritet
-
5 maji i dëshmorëve
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in