Puna dhe cilësia e mësimdhënësve në Kosovë do të vlerësohet çdo vjet rregullisht, e jo një herë në pesë vjet, siç ka ndodhur më herët.
Kështu të paktën ka njoftuar Zëvendësministri i Arsimit, Dukagjin Popovci, i cili ka thënë se të gjithë mësimdhënësit në Kosovë do të fillojnë të marrin një licencë bazë.
“Vlerësimi i mësimdhënësve është i paraparë edhe me ligj dhe kështu janë duke u bërë edhe ndryshime në legjislacion. Sa i përket vlerësimit ideja është që të gjithë mësimdhënësit të marrin licencën bazë, e cila tregon gjendjen e cilësisë së mësimdhënies”, ka thënë Popovci për Ekonomia Online.
Me idenë se vlerësimi i mësimdhënësve duhet të jetë i vazhdueshëm, e jo në periudha të caktuara, pajtohet edhe drejtori i institutit “EdGuard”, Rinor Qehaja, i cili thekson se vlerësimi më i shpeshtë i punëtorëve arsimor do të tregonte për gjendjen në arsim si dhe do të ndihmonte në përmirësimin e mësimdhënësve.
“Pra jo vlerësime një herë në 5 vjet, jo vlerësime ku të vlerësuarit janë më të kualifikuar se vlerësuesi, por vlerësime të mirëfillta, të standardizuara dhe kredibile që na tregojnë se kush është gjendja e cilësisë së mësimdhënies dhe më e rëndësishmja e ndihmojnë vetë mësimdhënësin për përmirësimin”, ka shtuar ai.
Në anën tjetër kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jasharaj ka thënë se janë dakorduar me MAShT se test me shkrim për punëtorët e arsimit nuk do të ketë.
“Kemi insistuar dhe mbase do të bëhet një lloj vlerësimi i punëtorëve të arsimit që quhet vlerësim i brendshëm nga drejtorit e pastaj edhe një vlerësim i jashtëm përmes inspektorëve”.
“Ne jemi për vlerësim të tillë sepse duam të dimë se cili është niveli i punës që bëjnë punëtorët e arsimit, por jo test me shkrim”, tha Jasharaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë