Kryetari i Partisë Demokratike të Kosovës, Memli Krasniqi, është takuar me deputetin e vetëm shqiptar në Parlamentin e Serbisë, Shaip Kamberin.
Këtë e ka bërë të ditur Krasniqi përmes një shkrimi në rrjetin social ‘Facebook’.
Ai e ka falënderuar Kamberin për vizitën, duke thënë se zëri i tij do të jehojë guximshëm edhe këtë mandat në Kuvendin e Serbisë, në mbrojtje të interesave të shqiptarëve.
“Përtej pengesave e shantazheve, zëri i Shaip Kamberit, patriotit të pandalshëm e shembullor të Luginës, do të jehoj guximshëm edhe këtë mandat në Kuvendin e Serbisë, në mbrojtje të interesave të shqiptarëve”.
“Faleminderit për vizitën e të priftë e mbara, mik!”, ka shkruar i pari i PDK-së.
Gjatë ditës Kamberi është takuar edhe me kryetarin e Lidhjes Demokratike të Kosovës, Lumir Abdixhiku.
Këtë e ka bërë të ditur Abdixhiku përmes një shkrimi në rrjetin social ‘Facebook’, me të cilët ka thënë se ka biseduar për gjendjen e shqiptarëve në Luginë.
“Me Shaipin, nënkryetaren Ardita Sinani, si dhe me bashkëpunëtorë të tjerë partiak nga PVD, biseduam për gjendjen e shqiptarëve në Luginë dhe domosdoshmërinë e mbështetjes institucionale ndaj popullatës shqiptare atje”.
Ndryshe, është dashur të përsëriten plotë pesë herë zgjedhjet në Tërnoc të Luginës së Preshevës që Shaip Kamberi të rizgjedhet deputet i Kuvendit të Serbisë dhe zëri i shqiptarëve të Luginës edhe në këtë përbërje legjislative atje.
Kamberi në garë ishte me Partinë Socialiste të Ivica Daçiç.
Raundi i pestë i votimeve është mbajtur me 30 qershor, kurse i pari ishte mbajtur me 3 prill.
Në Serbi analistë të pavarur kanë thënë se vetë shteti serb ka bërë manipulime të qëllimshme në këtë vendvotim, në mënyrë që të shtyhet sa më shumë formimi i qeverisë së re dhe marrja e obligimeve ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Nëse Trump fiton, do të kërkojë angazhim me 3% të PBB-së për vendet e NATO-s
-
Regresi i Kosovës në lirinë e medias, Tahiri: S’do të kalohet pa llogaridhënie në Kuvend
-
Ben Jelloun: “Nuk është një revoltë anti-hebreje”
Lajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Nëse Trump fiton, do të kërkojë angazhim me 3% të PBB-së për vendet e NATO-s
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak