Dy të mitur janë rrëzuar nga lartësia gjatë kohës që punonin në kantierin e ndërtimit të një qendre tregtare në Tiranë.
Incidenti i rëndë u regjistrua gjatë së shtunës, bëri të ditur policia.
Sipas njoftimit, autoritetet kanë arrestuar përgjegjësin e punimeve – 45-vjeçarin me iniciale I.Gj.
Kjo, për shkeljen e rregullave të mbrojtjes në punë.
Dy të miturit ishin përkatësisht 16 dhe 17 vjeç.
Materialet i kaluan Prokurorisë, për veprime të mëtejshme procedurale, përmbyllet njoftimi i policisë.
Pas kësaj ngjarjeje ka reaguar dhe organizata për të drejtat e fëmijëve dhe të rinjve “CRCA / ECPAT Albania”.
“Shqipëria prej vitesh e ka ndaluar punën e rëndë të fëmijëve nën moshën 18 vjeç. Por në realitet ngjarje të tilla tregojnë që shfrytëzimi i fëmijëve për punë vazhdon dhe çdo gjë ndodh përpara syve të Qeverisë”, vëren CRCA-ja.
Organizata kërkon që firmave të cilat punësojnë fëmijët “t’ju hiqet liçensa e operimit dhe drejtuesit e tyre duhen ndjekur penalisht”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
Bardhi: Dënoj me forcë aktin kriminal ndaj gjyqtarit Sterkaj
-
Australianët bëjnë thirrje për ligje më të ashpra për dhunën ndaj grave
-
“Në ring s’na ka mposhtur askush”, Ahmeti, VMRO-së: Më 24 prill u përballëm me VLEN-in, më 8 maj me ju