Manchester United i ka thënë Cristiano Ronaldos se ai nuk është i disponueshëm për transferim këtë verë, pavarësisht se përfaqësuesit e sulmuesit portugez vlerësojnë interesimin nga disa prej klubeve më të mira evropiane.
Ronaldo ka qenë i lidhur me kalime në Chelsea, Bayern Munich, Real Madrid dhe Paris Saint-Germain, por United insistojnë se ata “dëshirojnë dhe presin” që 37-vjeçari të qëndrojë në klub sezonin e ardhshëm.
Ai ka një vit të mbetur në kontratën e tij në Old Trafford me opsionin e një sezoni tjetër.
Ronaldo shënoi 24 gola në të gjitha kompeticionet sezonin e kaluar, por nuk mundi ta pengonte Unitedin që të humbiste kualifikimin për në Ligën e Kampionëve pasi përfundoi në vendin e gjashtë në Premier League.
Ronaldo dëshiron të kalojë vitet e mbetura të karrierës së tij duke luajtur në Ligën e Kampionëve dhe ka dyshime për ambiciet e United pasi nuk arriti të bëjë një nënshkrim deri më tani këtë verë.
Megjithatë, menaxheri i ri Erik ten Hag, i cili do të drejtojë ditën e tij të parë të stërvitjes parasezonale në Carrington të hënën, po mendon të ketë Ronaldon në skuadrën e tij sezonin e ardhshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Qeveria po e trajton si armike shtresën e mesme, sipas Bashës
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste