Ish-ushtarët e Ushtrisë Çlirimtarë të Kosovës, veteranët, invalidët, disa prej të cilëve ende mbajnë në trup copëza granatash e plumbash, sot do të protestojnë.
Të mbledhur pranë Organizatës së Veteranëve të Luftës së UCK-së, ata po kërkojnë t’u njihet e drejta për të gëzuar shumën e pagës minimale në Kosovë.
Mos përfshirja e kësaj kategorie në Projektligjin për Pagën Minimale, ata i ka revoltuar shumë duke i bërë të ndihen të diskriminuar.
Nga ora 9:30, ata do të mblidhen para objektit të Kuvendit e Qeverisë për të kërkuar këtë të drejtë të tyre.
Deputetët e Kuvendit të Kosovës, në seancën plenare të 14 qershorit, votuan në lexim të parë Ligjin për pagën minimale, i cili la jashtë kategorinë e veteranëve të luftës nga Ushtria Çlirimtare e Kosovës.
Pro këtij projektligji ishin 68 deputetë, përfshirë edhe Listën Serbe, kundër nuk kishte e abstenuan gjashtë. Deputetët që abstenuan ishin nga Grupi multietnik.
Këtë ditë veteranët nuk protestuan, por para se kjo të ndodhte ata u kërkuan që të mos e votojnë.
Veteranët protestuan para 10 dite, më gjashtë qershor. Dhe kjo protestë nuk kaloi krejt pa incidente.
“Na detyruat të dalim në rrugë”, u ishte drejtuar institucioneve të vendit, ushtruesi i detyrës së udhëheqësit të Organizatës së veteranëve të Luftës së UCK-së, Fatmir Klinaku.
“Fatkeqësisht duhet të protestojmë për të mbrojtur vlerën që na solli deri këtu. Neve na duhet të protestojmë, sepse na mohohet lufta që e bëmë, na shkelen të drejtat”, kishte vazhduar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel