Ministri i Jashtëm i Izraelit, Yair Lapid, u bëri thirrje të hënën qytetarëve në Turqi që të largohen “sa më shpejt të jetë e mundur”.
Kjo, për kërcënimet se operativët iranianë po planifikojnë në mënyrë aktive sulme ndaj izraelitëve në Stamboll.
Lajmi u bë i ditur nga agjencitë vendase, duke cituar fjalën e kryediplomatit izraelit.
“Është një rrezik real dhe i menjëhershëm”, theksoi Lapid gjatë një takimi me ligjvënësit nga partia e tij Yesh Atid.
Për të gjithë ata shtetas që janë në Stamboll aktualisht, zyrtari bëri thirrje që të kthehen sa më shpejt të jetë e mundur.
“Nëse keni planifikuar një fluturim për në Stamboll, anulojeni. Asnjë pushim nuk vlen më shumë se jeta juaj. Mos fluturoni fare për në Turqi”, shtoi ministri i Jashtëm.
Lapid nuk bëri asnjë referencë për ndonjë operacion të supozuar izraelit brenda Iran-it.
Por ai tha se disa izraelitë që udhëtuan së fundmi në Turqi ishin kthyer “pa e ditur se jeta e tyre u shpëtua”.
Më herët, transmetuesi publik izraelit ‘Kan’ raportoi për planet iraniane për të rrëmbyer izraelitët në Turqi një muaj më parë.
Kjo gjë u pengua pasi Izraeli njoftoi Ankaranë për kërcënimin.
Lapid falënderoi qeverinë turke “për përpjekjet që po bëjnë për të mbrojtur jetët e qytetarëve izraelitë”, pa dhënë detaje të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’