SPAK bën bilancin e muajit maj: Janë dënuar 50 të pandehur dhe janë sekuestruar mbi 3 milionë euro
Prokuroria e Posaçme “SPAK” ka bërë publike statistikat e muajit maj për vitin 2022.
Sipas të dhënave, SPAK ka konfiskuar rreth 3 milionë e 430 mijë euro, janë dënuar 50 të pandehur dhe janë dërguar për gjykim 27 të tjerë.
Gjithashtu, njofton Prokuroria e Posaçme, janë regjistruar 22 procedime penale, me 15 persona nën hetim, nga të cilët 11 procedime me 11 persona nën hetim për vepra penale që lidhen me krimin e organizuar dhe 11 procedime me 4 persona nën hetim për vepra penale që lidhen me korrupsionin.
Ndër vlerat monetare të kërkuara nga SPAK për sekuestrim, janë konfiskuar me vendim përfundimtar të gjykatës 3 milionë e 430 mijë e 130 euro, 80 mijë franga zvicerane dhe 500 m2 tokë në bregdet.
“Janë vënë në ekzekutim 5 letërporosi të ardhura nga autoritetet e huaja gjyqësore dhe janë dërguar 7 letërporosi për ekzekutim autoriteteve të huaja”, mbyllet njoftimi i SPAK.
Kujtojmë që operacioni më i madh i organizuar muajin që lamë pas ishte ai i koduar “Golden Bullet”, ku u lëshuan 32 urdhërarreste, nga të cilat u ekzekutuan 18.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë