Divock Origi-i ka hyrë në ditët e fundit të kontratës së tij me Liverpool-in dhe shumë shpejtë pritet që të firmosë me skuadrën e Milan-it.
Ai ka arritur marrëveshje me klubin italian, ku sipas mediave në Itali, në javën e ardhshme do t’i nënshtrohet testeve mjekësore, më pas për të firmosur si transferim i lirë.
Megjithatë, në orët e fundit ka ardhur një ofertë për sulmuesin belg. “Gazzetta dello Sport” shkruan se Villarreal-i i ka ofruar 27-vjeçarit një kontratë me pagë prej 4.5 milionë euro në sezon.
Pagë më e lartë sesa ajo që Milan-i ia ka ofruar Origi-t, por sipas mediumit të lartcekur futbollisti e ka refuzuar atë, duke marrë prioritet për t’iu bashkuar projektit të kuqezinjve.
Pra, tashmë sulmuesi i Belgjikës e ka ndarë mendjen dhe në orët e ardhshme do ta veshë fanellën e kampionëve të Italisë.
Kujtojmë që Origi është pjesë e skuadrës së Liverpool-it që nga vera e vitit 2015, kur u trasnferua nga skuadra franceze, Lille, për shumën e 13 milionë eurove.
Ai deri më tani ka zhvilluar 175 ndeshje në të gjitha garat me skuadrën angleze, prej të cilave ka shënuar 41 gola
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës