Puna e diplomatëve në dinamikën e saj ka për karakteristikë lëvizjen e shpeshtë nga një vend në tjetrin.
Por, që një vend i veçantë mund të mbetet në zemrën e dikujt – qofshin edhe diplomatë të lartë – nuk është çudi.
Kjo ka ndodhur pikërisht në Washington, ku pesë ish-ambasadorë amerikanë në Shqipëri dhe ajo aktuale, Yuri Kim, janë takuar miqësisht në një tryezë, duke shkrepur edhe një fotografi, e cila është në vetvete një “kartolinë diplomatike” për Shqipërinë.
Nën shoqërinë e Bill Ryerson, Marisa Lino, Jim Jeffrey, Marcie Ries, Alexander Arvizu, Kim jo vetëm që shkruan se është një mbledhje e mrekullueshme, por gjithashtu thekson lidhjen e fortë mes amerikanëve dhe shqiptarëve.
View this post on Instagram
“Ne kemi pasur eksperienca të ndryshme në 31 vitet, që kur Shqipëria u çlirua nga zinxhirët e komunizmit diktatorial, por kemi një gjë të përbashkët: besimin se lidhja mes amerikanëve dhe shqiptarëve është me të vërtetë e veçantë”.
Më tej, ambasadorja aktuale thekson edhe admirimin për mënyrën se si populli shqiptar ka arritur kaq shumë gjëra, pavarësisht gjasave kundër kësaj. E gjithë kjo, duke mbartur optimizëm për të ardhmen.
Në fakt, vetë takimi mes Ryerson dhe Kim është në vetvete i veçantë, pasi bëhet fjalë për ambasadorin e parë amerikan pas rënies së komunizmit në Shqipëri dhe asaj të fundit, e cila aktualisht ushtron mandatin.
Shumë gjëra në të vërtetë kanë ndryshuar prej atëherë, por një gjë duket ende në të njëjtin vend… miqësia e pakushtëzuar amerikane për Shqipërinë, si edhe angazhimi i fuqishëm politik i Washington-it, i gjithi i sjellë në një foto të thjeshtë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ngjarja tragjike në Shkodër, gjendet trupi i fëmijës së dytë
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin