Eurodeputeti austriak, Lukas Mandl, ka përkrahur thirrjen e kongresistit amerikan, Ritchie Torres, i cili kishte kërkuar nga pesë shtetet mos njohëse të Bashkimit Evropian që të ndryshojnë qëndrimin e tyre në raport me subjektivitetin e Kosovës.
“Jemi bashkë”, ka shkruar Mandl në rrjetin e tij social në Twitter, kështu duke e shpërndarë njoftimin e Torres në profilin e tij.
Para Torres, ishte vetë Mandl që kishte kërkuar nga Spanja, Greqia, Rumania, Sllovakia dhe Qipro, që ta njohin Kosovën si shtet të pavarur.
“Për të mirën e kësaj gjenerate dhe gjeneratave që vijnë, për dinjitetin, lirinë, paqen, demokracinë dhe sundimin e ligjit”, ka shtuar Mandl.
Ndryshe, kongresisti amerikan, përmes një letre kërkoi pesë vendeve evropiane rikonsiderimin e pozicionit karshi pavarësisë së Kosovës.
Great, @RepRitchie! We are in this together 👉🏼 https://t.co/M6RG6TsK3K
It‘s on behalf of this generation and the generations to come, for dignity, freedom, proper dwelling, peace, democracy and rule of law. #Kosovo #Cypris #Greece #Romania #Slovakia #Spain https://t.co/9hdq93VgKO— Lukas Mandl (@lukasmandl) March 16, 2022
Në anën tjetër Torres, javë më parë në letrën e tij dërguar Presidentit të Shteteve të Bashkuar të Amerikës, Joe Biden dhe Sekretarit amerikan të shtetit, Anthony Blinken, ka kërkuar që Kosova të pranohet në NATO si përgjigje për invazionin rus në Ukrainë.
Për ligjvënësin amerikan, Kosova është aleati më i mirë i SHBA-ve dhe si rrjedhojë duhet t’i bashkohet bllokut perëndimor të sigurisë.
“Më 27 shkurt, ministri i Mbrojtjes së Kosovës, Armend Mehaj, bëri thirrje për ‘pranim të përshpejtuar në NATO’. Për më shumë, më 3 mars, Parlamenti i Kosovës miratoi një rezolutë që i kërkon Qeverisë të nisë negocimin për pranim në NATO. S’mund të pajtoheshim më shumë me këto veprime”, kishte shkruar Torres
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon nga Scholzi “mbështetje të palëkundur” për anëtarësimin e Kosovës në Këshillin e Evropës
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Knaus konsideron se draft-statuti aktual ‘shkel’ Kushtetutën e Kosovës dhe kapërcen ‘vijat e kuqe’ të SHBA-së
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” për anëtarësimin e Kosovës në Këshillin e Evropës