Muzeu Historik Kombëtar bëri promovimin e librit “Metonema qytetase kadarejane te romanet “Gjenerali i ushtrisë së vdekur” dhe “Darka e gabuar”, e studiuesit Stavri S. Trako.
Ky aktivitet u zhvillua në kuadër të 86-vjetorit të lindjes së shkrimtarit Ismail Kadare.
Për të folur mbi këtë libër ishte një panel i zgjedhur, i përbërë nga: drejtori i Muzeut Historik Kombëtar, Dorian Koçi, studiuesi Behar Gjoka, Gaqo Apostoli, autori i librit Stavri Trako, si dhe studiues e njohës të letërsisë, të cilët shprehën vlerësimet, mbresat dhe përshtypjet e tyre mbi librin.
Në fjalën e tij përshëndetëse, drejtori i Muzeut Historik Kombëtar, Dorian Koçi, u shpreh se: “Eshtë një kënaqësi e veçantë që sot prezantojmë këtë libër në ditën e lindjes së shkrimtarit Ismail Kadare në 86-vjetorin e tij.
Është një nga aktivitetet, të cilat ne i zhvillojmë në kuadrin e muajit të Kadaresë, inicuar nga Ministria e Kulturës për këtë figurë të shquar të kulturës shqiptare.
Nga leximi i romaneve duhet të kuptohet se arti i Kadaresë ndriçohet njëherazi nga një spektër poliedrik shumë planësh.
Kështu pasuria metaforike e gjuhës ndërtohet nga superstrakti i pasurisë leksikore të të dy dialekteve, “ato më të bukurat sintagmat shprehëse pa përjashtuar dhe finesën e shprehjes së mendimit sintagmatik edhe nga nëndialektet e shqipes, me një përfaqësim të dallueshëm të pasurisë shprehëse të gjuhës mbarëkombëtare letrare shqipe”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it