Kurti takohet me Presidentin e VATRËS: Premtojnë që do të promovojnë vlerat dhe jetën e shqiptarëve
Kryeministri i Kosovës, Albin Kurti është takuar të mërkurën me Presidentin e Federatës Panshqiptare VATRA, Ilmi Berishën, i cili është me seli në Shtetet e Bashkuara të Amerikës (SHBA).
Zyra e kryeministrit, ka bërë të ditur se diskutuan për të punuar më shumë në promovimin e vlerave të jetës së shqiptarëve.
“Kurti dhe Berisha u pajtuan që Qeveria e Kosovës dhe VATRA, si dhe të gjitha shoqatat e tjera relevante të vullnetit të mirë, duhet të punojnë së bashku për të promovuar vlerat dhe jetën e shqiptarëve kudo”.
“Si dhe të forcojnë praninë politike në vendet partnere të aleancës strategjike”, thuhet në njoftimin e Zyrës së kryeministrit.
VATRA, është shoqatë shqiptaro-amerikane, e cila që nga viti 1912 ka mbrojtur të drejtat e shqiptarëve në Shtetet e Bashkuara, si dhe ka lobuar pranë Kongresit dhe qeverisë amerikane për të drejtat e shqiptarëve në Kosovë dhe në mbarë botën”, thuhet në njoftim.
Takimi i parë për të bashkuar të gjitha organizatat shqiptaro-amerikane në një federatë u zhvillua më 24 dhjetor 1911, në Boston.
Ky takim është thirrur me iniciativën e shoqatës “Besa-Besën”.
Patriotët e shquar shqiptarë, Faik Konica dhe Fan Noli ishin ndër ata që iniciuan themelimin e VATRËS.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Në prag të zgjedhjeve: Cilat janë grupimet evropiane
-
Të paktën 2 të vdekur në Odessa nga një raketë ruse, goditet edhe kështjella
-
Guerot: Kosova nëse do t’i rrisë gjasat për anëtarësim në KiE ta dërgojë Asociacionin në Kushtetuese
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës