Southampton është gati të bëj çmendurinë për të siguruar shërbimet e plota të Armando Brojës.
Shenjtorët e kanë Brojën në huazim deri në fund të sezonit nga Chelsea.
Mirëpo performancat e mira nga ai këtë sezon, i kanë shtyrë ata që të bëjnë ofertë marramendëse për të siguruar shërbimet e tij të plota.
Broja është produkt i Cobham, akademisë së futbollit të Chelsea-s.
Pas huazimit te Vittese, ku kishte shpërthimin e madh, futbollisti kuqezi tani është kthyer në Premier League.
Në pamundësi që të luaj pas blerjes së Lukaku-t, ata vendosën që shqiptarin ta dërgojnë në huazim në radhët e skuadrës nga St. Mary.
Deri tani, Broja ka shënuar nëntë gola në të gjitha kompeticionet, përfshirë pesë gola në Premier League.
Kjo i ka bërë drejtuesit e klubit anglez që të shkojnë “all-in” për të.
Southampton është gati që të thyej rekordin e klubit, duke ofruar 32 milionë euro për shërbimet e sulmuesit kuqezi.
Mirëpo, ata nuk do ta kenë shumë të lehtë këtë gjë derisa në krye të bluve është Thomas Tuchel.
Trajneri gjerman i kampionëve të Evropës është i impresionuar me paraqitjet e Brojës, dhe atë e konsideron si një armë shtesë për të ardhmen.
“Ai është lojtari ynë”, ka thënë shkurt Tuchel në konferencën për shtyp.
Përveç Southampton, për shërbimet e Brojës interesohet edhe West Ham, dhe deri në fund të sezonit pritet që gara për të të bëhet edhe më e ashpër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet