Ndeshjet e së shtunës në Bundesligë ishin interesante dhe me shumë gola.
Hoffenheim – Borussia Dortmund
Dueli mes Hoffenheim dhe Borussia Dortmund përfundoi me fitoren e këtyre të fundit me rezultat 2:3.
Ndeshja ishte e dominuar nga Hoffenheim, por ata nuk i shfrytëzuan si Dortmund rastet e pakta që kishin.
Ndeshja filloi shumë mirë për Dortmund, pasi Erling Haaland gjeti golin në miuntën e gjashtë.
Pak para përfundimit të pjesës së parë, Andrej Kramaric shënoi golin e barazimit në minutën e 45-të.
Në pjesën e dytë, në minutën e 58-të, Dortmund gjeti golin e epërsisë me anë të Marco Reus.
Në minutën e 66-të, David Raum i Hoffenheim shënoi në portën e gabuar, për t’i dhënë epërsinë prej dy golash Dortmund-it.
Pas vetëm 11 minutash, Georginio Rutter shënoi golin e dytë për Hoffenheim, por kjo nuk mjaftoi për të gjetur barazimin përballë Dortmund.
Bayer Leverkusen – Augsburg
Bayer Leverkusen ka mposhtur Augsburgun me rezultat të thellë 5:1.
Ndeshja ishte plotësisht e dominuar nga Leverkusen të cilët shënuan dy gola në pjesë të parë.
Golin e parë e shënoi Karim Bellarabi në minutën e nëntë.
Për të dyfishuar rezultatin u përkujdes francezi Moussa Diaby, i cili shënoi në minutën 24-të.
Në pjesën e dytë, në minutën e 62-të, Arne Maier shënoi për të ngushtuar epërsinë, por kjo duket se i zemëroi ekipin e Leverkusen.
Për të kompletuar Hattrick-un, Diaby shënoi edhe dy gola të njëpasnjëshëm, në minutën e 65-të dhe 68-të.
Për golin e fundit të ndeshjes u përkujdes Lucas Alario i cili shënoi në minutën e 81-të.
Ndeshjet e tjera të luajtura deri më tani në Bundesligë kanë përfunduar kështu:
Borussia Monchengladbach – Union Berlin 1:2
Freiburg – Stuttgart 2:0
Kujtojmë se edhe ndeshja e fundit e së shtunës në Bundesligë mes Bochum dhe Koln do të fillojë në ora 18:30.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Tym dhe zjarr në protestën e opozitës para Bashkisë së Tiranës
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Kosova e Serbia s’mund të përfitojnë nga miliardat e BE-së pa i normalizuar raportet