Inflacioni i çmimeve të konsumit në muajin nëntor të vitit 2021, krahasuar me të njëjtin muaj të vitit paraardhës, ka pësuar rritje.
Matur nga Indeksi i Harmonizuar i Çmimeve të Konsumit (IHÇK), për këtë periudhë, ndryshimi vjetor llogaritet me 3.3 për qind.
Ky indeks mat ndryshimin e nivelit të çmimeve me pakicë të mallrave dhe shërbimeve nga pikëpamja e strukturës së shpenzimeve që konsumatori synon për konsumin final.
Referuar raportit të fundit nga Instituti i Statistikave (INSTAT), rritja më e madhe e çmimeve prej 5.6 për qind vërehet në grupet “Ushqime dhe pije joalkoolike”.
Rritja pasohet nga grupet “Transporti” me 5.0 për qind, “Argëtim dhe kulturë” me 3.2 për qind, “Komunikimi” me 3.1 për qind, “Hotele, kafene dhe restorante” me 2.6 për qind.
Ndërkaq, rritja e çmimeve për grupin “Qira, ujë, lëndë djegëse dhe energji” është me 2.5 për qind, “Pije alkoolike dhe duhan” me 1.1 për qind dhe “Shëndeti” me 1.0 për qind.
Grupet “Veshje dhe këpucë” dhe “Mobilim, pajisje shtëpie dhe mirëmbajtje” me 0.8 për qind secili, ndërsa “Shërbimi arsimor” me 0.1 për qind.
Nga ana tjetër, çmimet e grupit “Mallra dhe shërbime të ndryshme” kanë pësuar ulje me 0.8 për qind.
INSTAT dallon gjithashtu se në muajin nëntor të këtij viti, ndryshimi mujor i matur nga Indeksi i Harmonizuar i Çmimeve të Konsumit është -0.1 për qind.
Ky ndryshim është ndikuar kryesisht nga ulja e çmimeve të grupit “Ushqime dhe pije joalkoolike” me 0.8 për qind, pasuar nga grupi “Pije alkoolike dhe duhan” me 0.3 për qind, “Veshje dhe këpucë” dhe “Mallra dhe shërbime të ndryshme” me 0.1 për qind secili.
Ndërkohë, çmimet e grupit “Argëtim dhe kulturë” janë rritur me 1.2 për qind, pasuar nga “Transporti me 0.8 për qind dhe “Qira, ujë, lëndë djegëse dhe energji” me 0.7 për qind.
Kurse grupi “Hotele kafene dhe restorante” është rritur me 0.5 për qind, “Mobilim, pajisje shtëpie dhe mirëmbajtje” me 0.2 për qind dhe “Komunikimi” dhe “Shërbimi arsimor” me 0.1 për qind secili.
Po tetori?
Matur nga Indeksi i Harmonizuar i Çmimeve të Konsumit (IHÇK), për këtë periudhë, ndryshimi vjetor është llogaritur me 2.5 për qind.
Rritja më e madhe e çmimeve prej 3.9 për qind është vërejtur në grupet “Ushqime dhe pije joalkoolike” dhe “Transporti”.
Kurse ndryshimi mujor ka rezultuar me 0.2 për qind. Pra, nga tetori në shtator të po të njëjtit vit, 2021.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SHBA kërkon 36 muaj burg për themeluesin e Binance
-
Samsung do të prodhojë gjeneratën e fundit të gjysmëpërçuesve në SHBA përpara TSMC-së
-
Sulmet kibernetike janë një kërcënim për stabilitetin financiar global, paralajmëron FMN
-
Grupet tajvaneze shqyrtojnë ngritjen e selive jashtë shtetit në rast sulmi
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”