Qyteti i Pejës, të paktën një pjesë e mirë e tij, do të mbetet pa rrymë për një kohë të caktuar gjatë ditës së sotme, kur temperaturat kanë zbritur në minus.
Në njoftimin për ndaljen e rrymës, është dhënë arsyetimi që po jepet shpesh kohëve të fundit.
Siç thuhet, Operatori i Sistemit, Transmisionit dhe Tregut – KOSTT, duhet të bëjë “intervenimin e domosdoshëm në largpërçues”.
“Njoftohen qytetarët që me qëllim të krijimit të kushteve të sigurisë në punë, sot nga ora 12:00 deri në orën 13:00 do të bëhet shkyçja e linjës 110 kV L 113 (LP 126/2) që lidhë NS 110/10 kV Peja 2 me NS 110/10(20) kV Deçan. Shkyçja është e domosdoshme për të evituar një lidhje të shkurtër që është paraqitur në largpërçuesin L115 (LP 126/5), pasi që këto dy linja kalojnë në shtylla të përbashkëta”, thuhet në njoftim.
Ndërsa për Albanian Post, shefi i zyrës për informim i Komunës së Pejës, Arianit Demaj, ka thënë se nuk janë informuar për ndërprerjet e rrymës.
“KEDSI është kompani private dhe nuk e informon Komunën dhe zyrën e informimit për këto problemet apo fazat e reduktimit që bënë ajo”.
“Nuk e ka obligim dhe nuk na informon, prandaj ne nuk kemi edhe informacion, më shumë keni informacion ju mediat. Nuk na kanë njoftuar asnjëherë për reduktimet e rrymës”, ka deklaruar Demaj.
KEDS në këtë periudhë të ftohtë është në vazhdimësi duke ndërpre rrymën nëpër komunat e Kosovës përfshi edhe kryeqytetin, Prishtinën me të njëjtat arsyetime ose të ngjashme.
Kryetari i Komunës së Prishtinës, Përparim Rama, menjëherë pas marrjes së mandatit për të qeverisur me kryeqytetin ka takuar Drejtorin Gjeneral të KEDS-i, Alpin Dogan dhe ekipin e tij, ku ka thënë se ditëve të fundit është informuar se KEDS ka pasur punime të planifikuara në kryeqytet.
Rama ka shkruar në rrjetin e tij social se “U zotuam se do të bashkëpunojmë ngushtë që mos të kemi ndërprerje të energjisë elektrike”.
Ndërsa, në Komunën e Podujevës është raportuar se ditëve të fundit ka ndërprerje të gjata të rrymës, deri në tetë orë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Abdixhiku kërkon vota për politikanin gjerman në prag të zgjedhjeve evropiane
-
Një muaj paraburgim për boshnjakun e dyshuar për krime lufte në Kosovë
-
‘Hungaria mund t’i zvarrisë integrimet evropiane të Kosovës’
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it