Fiorentina ka fituar duelin kryesor të ditës në Serie A, duke mposhtur Bologna-n në ndeshjen direkte për vendin e pestë.
Ndeshja prodhoi shumë spektakël, me të dy skuadrat që luanin të hapura dhe krijonin shumë raste.
E para golin do ta gjente Fiorentina, me anë të Maleh, në minutën e 33-të.
Skuadra nga Firenze ishte edhe dominuese e pjesës së parë, por atë nuk arriti që ta mbyllë në epërsi.
Barrow barazoi për Bologna-n vetëm pak minuta para se të mbyllej pjesa e parë.
Në barazim 1-1 skuadrat shkuan në pushimin mes pjesëve.
Fiorentina u shfaq më mirë në pjesën e dytë, duke e gjetur golin vetëm shtatë minuta pas rifillimit të takimit.
Biraghi ishte ai që gjeti rrugën e rrjetës për epërsinë e dytë të Fiorentina-s.
Në minutën e 67-të, rrugën e rrjetës do ta gjente edhe i përhershmi Dusan Vlahovic.
Serbi ishte i sakt nga pika e 11-metërshit, për të ngritur rezultatin në 1-3.
Bologna gjeti edhe golin e dytë me anë të Hickey-t, në minutën e 83-të, por nuk kishte forcë që të merrte diçka nga ky takim.
Me këtë fitore Fiorentina ngjitet përkohësisht në vendin e pestë me 27 pikë, deri sa Juventus-i të zhvillojë ndeshjen e saj.
Bologna mbetet e teta me 24 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit