Jashari: Thaçi e Veseli më kërkuan të jem kandidat i PDK-së për kryetar të Skenderajt, por i refuzova
“Ish-kryetarët e Partisë Demokratike të Kosovës, Kadri Veseli dhe Hashim Thaçi më kanë kërkuar të jem kandidat i PDK-së për kryetar të Skenderajt”.
Kështu ka thënë për Kallxo.com kryetari në largim i komunës së Skenderajt, Bekim Jashari.
“E kanë ditë që Bekimi nuk hyn me parti, por si i pavarur”, tha Jashari.
Sipas tij, edhe ish-presidenti i Kosovës, njëherësish ish-kryetar i PDK-së, Hashim Thaçi, e kishte lutur që të bëhet pjesë e këtij subjekti politik.
”Kërkesa ka qenë nga Hashim Thaçi, kërkesa ka qenë si pjesë e PDK-së, por që s’kemi pranuar për shkak se nuk kemi dashur të kyçemi në parti”, shtoi ai.
Ai theksoi se ish-lideri i PDK-së, Kadri Veseli, edhe dy javë para se të shkonte në Hagë e kishte përsëritur qëndrimin e tij që Jashari mos të ketë kundërkandidat, as për zgjedhjet e këtij viti.
Në zgjedhjet lokale të 17 tetorit, Fadil Nura, kandidat nga radhët e PDK-së, ka fituar garën pa balotazh në komunën e Skenderajt, me 57.99 për qind të votave, ndërkohë që kundër kandidati i tij kryesor, Bekim Jashari, kishte shënuar rezultat më të ulët, me gjithsej 40.64 për qind të votave.
Pas fitores së Nurës, Lista e pavarur e Bekim Jasharit kishte deponuar mbi 10 ankesa në Panelin Zgjedhor për Ankesa dhe Parashtresa, që sipas kësaj liste kanë të bëjnë me vjedhjen e votave me sistemin e “trenit bullgar”.
Ndërkaq, PZAP kishte refuzuar shumicën e ankesave të Bekim Jasharit për parregullsi në votimin e 17 tetorit në Komunën e Skenderajt, duke i miratuar vetëm disa nga to, por që përfundimisht kjo komunë nuk shkoi në rivotime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shea për Albanian Post: Terroristët duhej arrestuar, të bëhet e qartë kush saktësisht negocioi ikjen e tyre të prirë nga Radojiçiçi
-
Zelensky u bën thirrje liderëve botërorë të marrin pjesë në “samitin e paqes” të Ukrainës
-
LVV-ja sulmon gazetarët në një video propagandistike për veriun, pas raportit që zbuloi se Radoiçiçit iu mundësua ikja
-
Gjykata e Lartë lë në fuqi vendimin, Izet Haxhia dënohet me 21 vite burg
Lajmet kryesore
-
Shea për Albanian Post: Terroristët duhej arrestuar, të bëhet e qartë kush saktësisht negocioi ikjen e tyre të prirë nga Radojiçiçi
-
Basha ironizon Ramën për takimin në Milano: Vetëm pellazgët dhe ilirët mbetën pa u fajësuar për korrupsionin e Qeverisë
-
Gjykata e Lartë lë në fuqi vendimin, Izet Haxhia dënohet me 21 vite burg
-
Shqiptarët e Italisë janë shëmbëlltyra e bashkimit me Evropën demokratike, thotë Rama