Eusebio di Francesco është bërë trajneri i parë që është shkarkuar nga detyra për këtë sezon në Serie A.
Ish-trajneri i Sassuolo-s, Roma-s, Sampdoria-s dhe Cagliari-t në tre ndeshje zyrtare në krye të Hellas Verona-s nuk ia ka dal të marrë asnjë pikë.
Ndeshja e fundit, e humbur 1-0 përballë Bologna-s, të hënën në mbrëmje, vendosi edhe fatin përfundimtar të Di Francesco-s.
Tekniku që në vitin 2018 arriti deri në gjysmëfinalen e Champions League me Roma-n, po kalon moment tepër të veshtirë. Që nga ajo kohë, ai nuk ka mundur të lërë gjurmë pozitive në futboll.
Hellas ka njoftuar ndërprerjen e bashkëpunimit me Di Francesco-n nëpërmjet një deklarate ku shkruan “Hellas Verona FC njofton se ka liruar Eusebio di Francesco nga pozita e trajnerit të ekipit të parë”.
“Klubi verdheblu falenderon Di Francesco-n dhe stafin e tij, Francesco Tomei, Stefano Romano, Giancarlo Marini dhe Franco Giammartin për punën e bërë deri më tani”.
Vendin e Di Francesco-s pritet ta marri ish-futbollisti i Juventus-it dhe ndihmësi i Andrea Pirlo-s sezonin e kaluar, Igor Tudor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë