Shtatë aktivistë janë dënuar në Hong Kong me 16 muaj burg, për rolin e tyre, në një asamble të paautorizuar në kulmin e protestave antiqeveritare në vitin 2019.
Akuzat ndaj tyre ishin: organizim dhe nxitje për të marrë pjesë në tubim ilegal në vitin 2019.
Në atë kohë, mijëra njerëz dolën në rrugë dhe policia i shpërndau me gaz lotsjellës.
Aktivistët e arrestuar janë: Figo Chan, një ish-këshilltar i Frontit për të Drejtat e Njeriut të shpërndarë tashmë (CHRF); Raphael Wong dhe Avery Ng të partisë politike të Lidhjes së Social Demokratëve; dhe ish-ligjvënësit Cyd Ho, Yeung Sum, Albert Ho dhe Leung Kwok-hung.
Përveç Raphael Wong, të pandehurit e tjerë po vuanin dënimin në burg që pas protestave.
Ligji i sigurisë kombëtare?
Hong Kong – një rajon i veçantë administrativ i Kinës – miratoi një ligj sigurie, me ndërhyrjen e Pekin-it.
Analistët janë shprehur se kjo ka të bëjë me ndërhyrjen e qeverisë së Pekin-it për të siguruar që qyteti ka një kornizë ligjore me ato që i sheh si sfida serioze ndaj autoritetit të tij.
Detajet e 66 neneve të ligjit u mbajtën të fshehta deri pasi ai u miratua vitin e kaluar.
Ligji hyri në fuqi më 30 qershor 2020, një orë para 23-vjetorit të dorëzimit të qytetit të Kinës nga sundimi britanik.
Kjo i jep Pekin-it fuqi për të formuar jetën në Hong Kong, që nuk ka pasur kurrë më parë. Kritikët thonë se, në mënyrë efektive, kufizon protestën dhe lirinë e fjalës – Kina ka thënë se do të kthejë stabilitetin.
Ndryshimet në Parlamentin e Hong Kong-ut
Parlamenti në Hong Kong, më 27 maj, ka miratuar një ligj të diskutueshëm të reformës zgjedhore.
Ky ligj synon t’i mbajë larg njerëzit që Kina i konsideron “jo patriote” nga pozicionet e pushtetit politik.
Projektligji do të nënshkruhet në ligj së shpejti nga ekzekutivi i qytetit Carrie Lam, i cili ka thënë se komiteti i ri i vetingut nuk do të diskriminojë njerëzit për pikëpamjet e tyre politike, por përkundrazi do të heqë “jo-patriotët”.
Reforma do të lejojë një panel pro-Kinë për të verifikuar dhe zgjedhur kandidatët, duke zvogëluar përfaqësimin demokratik.
Kritikët paralajmërojnë se është krijuar për të hequr të gjitha kundërshtimet nga parlamenti, duke lejuar Pekinin të forcojë kontrollin e tij mbi Hong Kong-un.
Që kur ligji i reformës zgjedhore u iniciua nga qeveria kineze në muajin mars, ai ka tërhequr vëmendje të gjerë ndërkombëtare. Përfshirë SHBA-në, Bashkimin Evropian dhe Mbretërinë e Bashkuar.
Gjatë vitit të kaluar, një numër në rritje i aktivistëve pro-demokracisë janë arrestuar sipas një ligji të veçantë të sigurisë kombëtare që hyri në fuqi vitin e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë