Edhe një dështim më shumë në jetën e Kanye West!
Të dështoj nuk është diçka e re, të paktën jo për rep artistin e famshëm amerikan, Kanye West, i cili ka realizuar eventin e tretë për lansimin e albumit të tij më të ri “Donda”.
Evenimenti ishte i realizuar duke u përkujdesur nga detajet më të vogla e deri në finalizim, me prezantimin e ish gruas së tij, Kim Kardashian me fustan të bardhë si dhe vendosjes së shtëpisë së tij të fëmijërisë në formë të improvizuar skenike.
Por, jo gjithçka shkoi mbarë, kjo pasi që, brenda këtij organizimi, ishte realizuar edhe një fushatë vaksinimi për të gjithë pjesëmarrësit e evenimentit, e cila siç duket nuk u pëlqye nga personat e pranishëm të cilët e refuzuan bindshëm idenë e Kanye-s.
Gjithsej, 13 njerëz nga 38 mijë persona të pranishëm pranuar ofertën për tu vaksinuar në ambientet e këtij eventi, një detaj që u konfirmua nga Departamenti i Shëndetit Publik në Chicago, për të përditshmen, “TMZ”.
E ky numër mbase mund të tingëllojë si i ulët, por është i lartë krahasuar me eventin e fundit në Atlanta, ku për tu vaksinuar vendosën vetëm 4 persona nga gjithsej 40 mijë vetë sa ishin të pranishëm.
Një gjë tjetër e cila ra në sy ishte fakti se rregullat bazë për parandalimin e COVID-19, nuk ishin respektuar as nga njerëzit pjesëmarrës në koncertin e Kanye-s. Madje, atyre nuk iu ishte kërkuar as zbatimi i distancimit social, provat e vaksinimit apo testi negativ i Coronavirusit.
Ndryshe, së fundmi, rep artisti, Kanye West ka paraqitur dokumentacionin zyrtar për të ndryshuar emrin e tij nga Kanye në thjesht – Ye.
Ndërkaq, dëshirën për të bërë diçka të tillë, ai e ka quajtur “arsye personale” në dokumentet e gjykatës të paraqitura në Los Angeles.
Një veprim i tillë, vjen pothuajse tre vjet pasi ylli i muzikës dhe stilisti i modës, kishte paralajmëruar për hedhjen e një hapi të këtij lloji, qëkur e kishte planifikuar lansimin e albumit “Ye”.
Përveçse një shkurtim i emrit të tij aktual, 44-vjeçari më parë ka thënë se emri i ri ka rëndësi fetare për të.
“Unë besoj se ‘Ye’ është fjala më e përdorur në Bibël, dhe do të thotë ‘ti’”, pati thënë West në vitin 2018, duke diskutuar titullin e albumit të tij me drejtuesin e radios “Big Boy”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Studimi i trurit nga AI, shpresë për të mbijetuarit e traumave të fëmijërisë
-
“Mbreti Charles është në gjendje jo të mirë”, thonë burimet pranë pallatit
-
Jeannie Mai akuzon Jeezy-n për abuzim në familje dhe neglizhencë të fëmijëve mes divorcit të vazhdueshëm
-
Dua Lipa “magjike” në tepihun e kuq të “Time 100”
Lajmet kryesore
-
Partia do ribëhet, Meta paralajmëron ata që nuk janë pro tij
-
Hetimet mbi Kadastrën, SPAK zbardh akuzat për 4 të arrestuarit
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Deputeti gjerman skeptik për anëtarësimin e Kosovës në KiE – çështja është Asociacioni