Gjatë viteve të fundit, Serbia ka ndjekur politika diskriminuese ndaj popullsisë shqiptare të Luginës së Preshevës dhe një nga këto politika është fshirja e adresave.
E pozicionuar në lindje të Kosovës, Lugina e Preshevës përfshin në territorin e saj komunën e Preshevës në jug, komunën e Bujanocit në mes dhe komunën e Medvegjës në veri.
Në katër vitet e fundit, autoritetet serbe kanë fshirë mbi 4 mijë shqiptarë nga regjistri civil në komunën e Medvegjës.
Politika diskriminuese qëndron në faktin se në momentin kur një qytetari shqiptar i pasiviziohet adresa e vendbanimit dhe më pas fshihet nga regjistri civil në Serbi, ky qytetar nuk mund të marrë letërnjoftim të ri ose pasaportë, nuk gëzon të drejtën e shërbimeve mjekësore ose asistencës sociale, nuk mund të bëjë regjistrimin e makinës, nuk mund të blejë apo shesë pronën dhe nuk mund të votojë në zgjedhjet lokale ose të përgjithshme në Serbi.
Si pasojë e pasivizimit të adresave të shqiptarëve, për herë të parë që nga themelimi i komunës së Medvegjës, nga shtatori i vitit 2019 shqiptarët e Medvegjës nuk janë më pjesë e qeverisjes lokale.
Nga Tirana zyrtare ka patur qëndrime nga ana e ministrit Cakaj, i cili ka adresuar këtë problematikë në OSBE dhe organe të tjera evropiane.
Mbështetja për shqiptarët e Luginës së Preshevës ka ardhur gjithashtu përmes një reagimi nga Partia për Drejtësi, Integrim dhe Unitet (PDIU), e cila bëri thirrje që të ndalet spastrimi etnik ndaj shqiptarëve dhe të mos lejohet precedenti i një Çamërie të dytë./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ngjarja tragjike në Shkodër, gjendet trupi i fëmijës së dytë
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin