Presidentja në detyrë në Republikën e Kosovës, Vjosa Osmani, ka zhvilluar takimet gjatë ditës së martë, me liderët e partive politike, për të caktuar datën e zgjedhjeve parlamentare në Kosovë.
Ajo priti në zyrë kreun e Lëvizjes Vetëvendosja (LVV), Albin Kurti, i cili deklaroi se nuk diskutuan për një datë konkrete, por kërkoi që “votimi për parlamentin e ri të zhvillohet sa më parë që të jetë e mundur”.
Nga Lidhja Demokratike e Kosovës (LDK) nuk u paraqit kryetari Isa Mustafa, por në vend të tij u paraqit ministri i Infrastrukturës, Arban Abrashi. Abrashi deklaroi se “LDK-ja do të garojë e vetme në zgjedhjet e parakohshme dhe shënoi një datë për mbajtjen e tyre”.
I treti në Presidencë mbërriti përfaqësuesi i Partisë Demokratike të Kosovës (PDK), Memli Krasniqi. Ai tha se fundi i janarit është periudhë e përshtatshme për zgjedhje të reja.
Përfaqësuesi i Aleancës për Ardhmërinë e Kosovës (AAK), Besnik Tahiri, pas takimit me Presidenten në detyrë, Vjosa Osmani, uroi qytetarët për zgjedhjet e reja.
Këto takime konsultuese të Osmanit erdhën pasi Gjykata Kushtetuese shpalli Qeverinë Hoti jokushtetuese dhe konstatoi se vendi duhet të shkojë në zgjedhje të reja brenda 40 ditësh. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Pjesëmarrje masive në tubimin qendror të Frontit Evropian në Tetovë
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit
-
“CdM” zbardh “detaje” nga takimi Scholz-Spajiç: Kosova në Këshill të Evropës – kur të bëjë “hapa konkretë” drejt Asociacionit
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit