Këtë të enjte është hedhur shorti për sportin e boksit në Lojërat Olimpike “Tokyo 2020”.
Donjeta Sadiku, e cila përfaqëson Kosovën në Tokio, në raundin e parë do të ndeshet me boksieren nga Britania e Madhe, Caroline Dubois.
Pra, për Donjetën do të jetë një short jo i lehtë, pasi që përballë do të ketë 20-vjeçaren e cila është kampione olimpike, kampione e botës dhe katër herë kampione e Evropës për mosha të reja.
Ajo normën olimpike e fitoi në turneun olimpik të mbajtur në Londër dhe më pas në Paris.
Trajneri i Sadikut, Besim Brahimi, që ishte i pranishëm në short, thotë se shorti ishte i pafat për boksieren e tij, por që ai ka besim se Donjeta do t’ia dalë të kalojë pengesën e parë.
Meçi do të zhvillohet më 27 korrik në Kokugikan Arena të Tokios dhe parashihet të fillojë në ora 6:24 me kohën tonë lokale dhe në 13:24 me kohën lokale të Japonisë.
Nëse kosovarja arrin të kalojë sfidën e parë, në të dytën do të ndeshet me boksieren nga Shtetet e Bashkuara të Amerikës, Rashida Shakilya Quante Ellis.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit