Gjykata e Posaçme për Korrupsion dhe Krimin e Organizuar (GJKKO) ka vendosur që të mos ketë zëvendësim mase për ish-prokurorin e Vlorës, Maksim Sota. Ky i fundit kërkoi zëvendësimin e masës “arrest shtëpie”, për shkak të arsyeve shëndetësore.
Më datë 4 korrik GJKKO-ja vendosi masën “arrest shtëpie” për Sotën.
Më herët, falë operacionit të bashkërenduar ndërkombëtar mes SPAK-ut dhe Antimafias italiane të titulluar “Shpirti”, u krye arrestimi i ish-prokurorit Sota.
Gjatë operacionit u arrestuan 28 persona nga 38 urdhra-arreste. Përfshirë këtu ish-prokurorin Sota dhe një ish-oficer policie.
Ndërkohë dhjetë persona të tjerë të përfshirë në këtë grup kriminal ishin arrestuar më herët.
Autoritetet shqiptare bashkërenduan punën në Shqipëri, Itali, Mal të Zi dhe Spanjë, në të cilat u lëshuan 38 masa arresti.
Operacioni u ngrit kundër trafikut ndërkombëtar të drogës, korrupsionit, abuzimit me detyrën dhe pastrimit të parave.
Kërkesa e mbrojtjes e Prokurorit Maksim Sota
Më parë ishte bërë publike edhe kërkesa mbrojtëse që Prokurori Maksim Sota, i depozitoi Gjykatës së Posaçme.
Në këtë kërkesë, ish-prokurori Sota, nuk pranoi asnjë nga pretendimet e nxjerra nga i penduari Donjol Drolli.
Ky i fundit kishte thënë se kreu i bandës kriminale, Ilirjan Ducellari, i kishte siguruar prokurorit një shtëpi me qera.
“E nderuar zonja gjyqtare, pavarësisht këtij arsyetimi ligjor, dua të deklaroj dhe të ndalem në rrëzimin si të pavërteta të pretendimeve dhe dyshimeve lidhur me “lidhjen” time me këta persona nën hetim apo supozimit për qëndrimin tim në një banesë me qira të paguar nga ata dhe konkretisht”, shkruhet në kërkesën e mbrojtjes së Sotës.
Ndër të tjera, ai liston dhe arsyet mbrojtëse të argumenteve të tij, duke bërë ndarjen e fjalës “njohje” dhe “lidhje”.
“E para ka një ndryshim të madh midis fjalëve “lidhje” dhe “njohje” midis dy apo disa personave; Në rast ekziston një ‘lidhje’, atëherë ka marrëdhënie reciproke në mënyra dhe forma të ndryshme midis këtyre personave, të cilat normalisht duhet të evidentoheshin në vendimin e gjykatës;
“Në rast se flasim për ‘njohje’ midis dy apo disa personave, ka një ndryshim të rrënjësor me rastin e një lidhje midis tyre”.
Lidhur me pretendimin e përdorimit/qëndrimit të prokurorit në një banese të paguar nga personat nën hetim, ai u shpreh se ky fakt është tërësisht i pavartetë sepse ai jeton në banesën e familjes së tij në fshatin Zhym të Lushjës. Gjithashtu ai shtoi argumentin se i vetmi apartament ku ka ndenjur përveç shtëpisë së tij ka qenë një banesë në emër të vëllait të tij, e cila ndodhet në hyrjen e lagjes Plazhi i Vjetër, pranë Portit Detar Vlorë.
Në bazë të arsyetimeve të mësipërme dhe faktit që nuk provokohet 100% fakti që prokurori ka rol kyç në grupin kriminal, ka kërkuar revokimin e masës së sigurimit personal “Arrest në Shtëpi”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës