Ish-gjenerali amerikan, Wesley Clark, vjen për vizitë në Kosovë.
Ai do të pritet në Aeroportin e Prishtinës “Adem Jashari” nga zyrtarë të shtetit, rreth orës 8:40.
Menjëherë pas mbërritjes në Kosovë, Clark viziton ministrin e Mbrojtjes, ku do të pritet “me nderime të larta ushtarake nga njësia ceremoniale e FSK-së”.
Pas takimit, bashkë me ministrin, Armend Mehaj, ish-gjeneral Clark, mbanë konferencë për media.
Ishte pikërisht ministri i Mbrojtjes, Mehaj, që kishte njoftuar për vizitën e ish-ushtarakut, përmes një postimi në llogarinë e tij në Facebook.
“Kam kënaqësinë të ju njoftoj se me ftesën time zyrtare, më datën 7 Korrik, në Ministrinë e Mbrojtjes, do të vijë në vizitë gjenerali historik amerikan, heroi ynë Wesley Clark”, ka shkruar ai.
Ministri i Mbrojtjes, me 25 qershor të këtij viti pati zhvilluar një takim virtual me ish gjeneralin amerikan, Wesley Clark.
Në këtë takim virtual ai pati ftuar gjeneralin amerikan ta vizitoj Kosovën.
“Gjeneralin Clark e ftova për vizitë në Ministrin e Mbrojtjes dhe në Forcën e Sigurisë së Kosovës (FSK), të cilën ma konfirmoi me kënaqësi, vizitë kjo që do të realizohet së shpejti”.
Wesley Clark, i cili ishte Komandant Suprem i Forcave të NATO-s, e ka drejtuar operacionin 78 ditësh të bombardimeve të NATO-s karshi Serbisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Dorë e djathtë e Rugovës, truri i lëvizjes për liri”, Abdixhiku përkujton Fehmi Aganin në 25 vjetorin e vrasjes
-
Si ta mbrojmë Kievin? Skenarët e NATO-s (pa dërguar trupa)
-
“Kina është një fuqi imperialiste, armiku i saj i vërtetë janë Shtetet e Bashkuara”
-
“Politico”: Ndarja e shqiptarëve në dy blloqe politike në RMV – betejë për influencë rajonale mes Ramës e Kurtit