Shtatë anëtarë të Kishës Ortodokse së Greqisë dhe tre të tjerë, u hospitalizuan për shkak të djegieve të marra, pas një sulmi me një lëndë acide kaustike, të ndërmarrë nga një prift, i cili po përballej me një dëgjesë disiplinore.
Ngjarja ka ndodhur në një takim të zhvilluar në Athinë, midis kryepeshkopëve grekë.
Prifti 37-vjeçar, i cili po përballej me akuzat e përdorimit të drogës, u arrestua dhe është duke u marrë në pyetje.
Një oficer policie, i cili ndihmoi në kapjen e të dyshuarit, u dëmtua gjithashtu. Po ashtu edhe një avokat, mendohet se është në gjendje serioze për shkak të djegieve.
Lënda e përdorur ende nuk është zbuluar, por mendohet se ka qenë një element kimik i rrezikshëm.
“Shpreh neverinë time ndaj kësaj ngjarjeje të paprecedentë”, foli mbi çështjen Katerina Sakellaropoulou, Presidentja e Greqisë.
Ministri i Shëndetësisë, Vassilis Kikilias, i vizitoi peshkopët gjatë trajtimit të tyre.
Kryeministri grek, Kyriakos Mitsotakis, ka kërkuar një hetim të plotë të ngjarjes. Përditësime të tjera priten për ta zbardhur tërësisht incidentin kishtar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbardhen detaje tronditëse në Shkodër, nëna me 3 fëmijët mund të jenë vetëvrarë nga dhuna sistematike e bashkëshortit
-
Osmani uron Pashkët ortodokse: Kjo festë le të sjellë paqe e harmoni mes njerëzve
-
Tragjike në Shkodër – Zhduket nëna me 3 fëmijët, një i mitur gjendet i pajetë në lumin Drin
-
Alarmi i Inteligjencës ukrainase: Po humbasim në fushëbetejë, rusët mund të marrin Baltikun në 7 ditë
Lajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in