GitHub, kompani e shërbimeve të IT-së, ka kërkuar falje për pushimin nga puna të një punonjësi hebre i cili paralajmëroi kolegët të tregoheshin të kujdesshëm ndaj nazistëve.
Agjensia e lajmeve, BBC, shkruan se GitHub e ka shkarkuar punonjësin nga puna dy ditë pas përdorimit nga ana e tij të fjalës “nazist” për të përshkruar pjesëmarrësit e trazirave në Capitol të SHBA-ve.
Mirëpo, pas këtij skandali shton BBC, GitHub ka deklaruar se vendimi ka qenë i gabuar dhe shefi i Burimeve Njerëzore ka dhënë dorëheqjen.
Kompania i ka ofruar përsëri vendin e punës punonjësit të larguar dhe është shprehur se “punonjësit janë të lirë të shprehin shqetësime lidhur me nazistët”.
Kompania GitHub është në pronësi të Microsoft-it. Ajo është një nga mjetet më të njohura të zhvillimit të software-it në botë dhe numëron mbi 50 milionë përdorues./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
IDF finalizon planet e Rafah, 72 orët vendimtare
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”