Në Laboratorin e Ushqimit dhe Veterinarisë, ka rezultuar se në Kosovë është prezentë Gripi i Shpezëve i tipit H5N8.
Këtë e kanë konfirmuar Agjencia e Ushqimit dhe Veterinarisë me anë të një njoftimi për media të shtunën.
“Janë asgjësuar shpezët në pesë ferma të ekonomive familjare në katër qytete të ndryshme, dhe dy ferma të tjera janë duke u diagnostikuar dhe të cilat po mbahen në izolim”, thuhet në njoftimin e AVUK-ut.
Sipas Agjencisë së Ushqimit dhe Veterinarisë “pas kryerjes se hulumtimeve diagnostikuese në fermat e dyshimta mostra e testuar në Laboratorin e Ushqimit dhe Veterinarisë kanë detektuar prezencën e Gripit të shpezëve Influenca Aviane A Subtipizimi H5 dhe N8 ( Gripi i shpezëve H5N8). Testi është kryer në Strishot orofaringeale (pulë) me metodën Real Time RT-PCR”.
Organizata Botërore e Shëndetësisë, kanë njoftuar se “gripi i tipit H5N8 është një nënlloj i virusit A, i cili është vdekjeprurës për zogjtë e egër dhe shpezët”.
Në njoftimin AVUK-ut thuhet se gripi i shpezëve kryesisht përhapet nga kontakti i drejtpërdrejtë midis zogjve të infektuar dhe atyre të shëndosha.
“Mund të transmetohet, kur zogjtë bien në kontakt me pajisje ose materiale përfshirë ujin dhe ushqimin për kafshë që janë kontaminuar me jashtëqitje ose sekrecione nga hunda ose goja e zogjve të infektuar”.
H5N8 zakonisht nuk infekton njerëzit. Por, shtatë persona në Rusi janë infektuar në vitin 2021, ata ishin punëtorë të fermave të pulave të cilët morën pjesë në një operacion reagimi për të parandaluar një shpërthim të gripit të shpendëve A (H5N8).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Abdixhiku takon kryetarët e degëve, diskuton për listat zgjedhore, komisionarët e vëzhguesit
-
Rreth 400 mijë euro u investuan për rregullimin e stadiumit të Vitisë – por ende është jashtë funksionit
-
UNMIK-u po e ndjek nga afër situatën pas refuzimit të vizitës së Porfirije në Kosovë
-
Ndalohet kontrabandimi i medikamenteve në Han të Elezit
Lajmet kryesore
-
Qeveria plan me 4 pika për rritjen e kreditimit të ekonomisë, në fokus bujqësia
-
Reforma e inspektimeve, Rama: Krijojmë një forcë të re autonome të shkëputur nga ministritë
-
Pothuajse 450 mijë njerëz janë larguar nga Rafah brenda një jave, thotë OKB
-
Dikur ftonte të votohej Joe Biden, tash Kurtit i ndryshojnë preferencat politike në Amerikë