Kina ka pezulluar “për një kohë të pacaktuar” të gjithë aktivitetin për një dialog strategjik dhe ekonomik me Australinë.
“Kohët e fundit, disa zyrtarë të qeverisë australiane të Komonuelthit filluan një seri masash për të prishur bashkëpunimin midis Kinës dhe Australisë nga mendësia e Luftës së Ftohtë dhe diskriminimi ideologjik”, tha të enjten një zyrtar i Komisionit Kombëtar të Zhvillimit dhe Reformës (NDRC) në Kinë, në lidhje me vendimin.
Dollari australian ra ndjeshëm. Ishte aq i ulët, sa të enjten u këmbye me 0.7701 dollarë amerikanë, në krahasim me 0.7747 dollarë që ishte të mërkurën.
Lidhjet bilaterale u tensionuan në vitin 2018, kur Australia u bë vendi i parë që ndaloi publikisht kompaninë kineze të teknologjisë Huawei, nga rrjeti i saj 5G.
Marrëdhëniet u përkeqësuan më shumë vitin e kaluar, kur Australia bëri thirrje për një hetim të pavarur mbi origjinën e coronavirus-it, duke shkaktuar hakmarrje tregtare nga Kina.
Takimi i fundit, i destinuar si një kornizë për bashkëpunimin ekonomik, ishte në Pekin në vitin 2017, kur ministri i Tregtisë i Australisë nënshkroi një marrëveshje për bashkëpunim në projektin e politikës së jashtme kineze, “Belt and Road”.
Kjo e fundit është një iniciativë e ndërmarrë nga qeveria komuniste e Kinës për të investuar në infrastrukturën e disa shteteve në kontinentin e Azisë, Afrikës dhe Evropës, me qëllim përmirësimin e kapaciteteve tregtare dhe stimulimin e rritjes ekonomike.
Në prill, Canberra anuloi dy marrëveshje për projektin “Belt and Road” arritur nga shteti i saj i Victoria. Kjo shkaktoi që ambasada kineze të paralajmëronte se lidhjet dypalëshe, tashmë të tensionuara, do të përkeqësoheshin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri izraelit i Luftës thyen këmbën gjatë ecjes me biçikletë
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
-
Thaçi: Ne fillojmë negociatat me VMRO-në në momentin kur ata janë gati ta tregojnë ditën për ndryshimet kushtetuese
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës