Është dakordësuar nisja shkëmbimit të propozimeve midis Maqedonisë së Veriut dhe Bullgarisë mbi implementimin e Marrëveshjes së Miqësisë të vitit 2017.
Pritet që ministrat e jashtëm të dy vendeve t’i rikthehen akordit të arritur. Procesi i dialogut, pritet të zgjidhë mosmarrëveshjet midis dy vendeve.
Është vendosur gjithashtu në përfaqësues i veçantë maqedonas për të kontrolluar planin e veprimit dhe për të inkurajuar bashkëveprimin në të gjitha nivelet. Ai do të jetë ish-kryeministri maqedonas, Vlado Buckovski.
“Presim të marrim përgjigje mbi propozimet që kemi bërë në 2017-ën”, deklaroi Ministri i Jashtëm i Maqedonisë së Veriut, Bujar Osmani. “Nuk mund t’i shohim fqinjët me sytë e të shkuarës. Zgjidhja e vetme është t’i rikthehemi marrëveshjes”, shtoi ai.
Sipas Osmanit, Maqedonia e Veriut është në një stad të ri aleancash me vendet e NATO-s dhe Bashkimit Evropian. Po ashtu, edhe me fqinjësinë me Bullgarinë, Greqinë apo Shqipërinë. “Nuk mund ta shohim më botën me të njëjtin sy”, theksoi Osmani.
Rinisja e negociatave vjen pas mosmarrëveshjeve të mëdha midis dy shteteve. Vitin e kaluar, Bullgaria i vuri veton hapjes së negociatave me BE-në. Shkak u bënë konfliktet disa vjeçare mbi shtet formimin e dy vendeve.
Bullgaria ka pretenduar se kombi maqedonas nuk ekziston dhe se maqedonasit në të vërtetë janë bullgarë. Maqedonia e Veriut nga ana tjetër jep versionin e saj të historisë.
Mbi këtë çështje është ngritur edhe një komision i përbashkët, por ka rezultuar i pa suksesshëm./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Presidenti i Kinës sulmon NATO-n për bombardimin e Serbisë para vizitës në Beograd
-
Qoku me akuza rënda për liderët e “Frontit Evropian”: E kanë Vuçiçin, ne kemi Albinin
-
Taravari, simpatizantëve të “VLEN-it: Pata ofertë nga Ahmeti, zgjodha të jem me ju – bashkëpartiakët e mi s’munden ta refuzojnë
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
Lajmet kryesore
-
Rama: Kush flirton me korrupsionin nuk ka punë me ne, por me drejtësinë
-
Këshilli Evropian jep dritën jeshile për instrumentin e ri të rritjes ekonomike në Ballkanin Perëndimor
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Kosova e Serbia s’mund të përfitojnë nga miliardat e BE-së pa i normalizuar raportet