Komisioneri i Bashkimit Evropian për Fqinjësinë dhe Zgjerimin, Oliver Varhelyi, do të zhvillojë sot në Tiranë dhe Prishtinë një vizitë zyrtare, në kuadër të ardhjes së dozave të vaksinës Pfizer, si donacion i Komisionit Evropian për Ballkanin Perëndimor.
Komisioneri pritet të mbërrijë rreth orës 10:00 në Rinas, ku do të zhvillohet një konferencë për shtyp me kryeministrin Edi Rama.
Në fund të vizitës, pritet të ketë edhe një takim me kreun e Partisë Demokratike, Lulzim Basha.
Vëmendja kryesore e vizitës do të jetë ajo e ndihmës së BE-së për fushatën e vaksinimit kundër Covid-19. Shqipëria është përftuesja e dytë më e madhe pas Bosnjës dhe Hercegovinës, për numër vaksinash.
Gjithsesi, disa çështje me rëndësi mund të fliten në takimet e Varhelyi-t me drejtuesit e lartë politikë në Shqipëri.
Në këto çështje, përfshihen edhe zgjedhjet e mbajtura së fundmi në vend. Opozita nuk i ka njohur ato, me pretendimet se janë vjedhur.
Pavarësisht kësaj, qëndrimi i BE-së ka qenë i qartë mbi fituesin e zgjedhjeve.
Një tjetër çështje që merr vëmendje, është ajo e integrimit evropian të Shqipërisë. Rruga shqiptare drejt BE-së, kalon edhe nga Maqedonia e Veriut.
Kjo e fundit ka edhe një veto nga Bullgaria, e cila nuk e lejon të hapë negociatat me unionin. Por, është bërë e qartë edhe më parë, se rruga e Shqipërisë është e njehsuar me atë të Maqedonisë së Veriut.
Një qëndrim i qartë i BE-së, ende nuk është dhënë mbi këtë çështje. Mbledhja e konferencës së parë ndërqeveritare, mund të jetë gjithashtu pjesë e çështjeve të shtruara në tryezë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit