Një 15 vjeçar është plagosur me thikë të hënën në Obiliq.
Lajmin për Albanian Post e ka konfirmuar zëdhënësi i Policisë për rajonin e Prishtinës, Agron Borovci, i cili bëri të ditur se rasti ka ndodhur në sheshin “Adem Preniqi” në Obiliq.
Ndërsa veprën thuhet të e ketë kryer një vajzë e mitur.
“Policia ka dalë në vendin e ngjarjes dhe ndërkohë e ka identifikuar të dyshuarën. Po vazhdon trajtimin e rastit në koordinim me prokurorin për të mitur”, ka thënë Borovci për AP.
Ndër të tjera, ai bën të ditur edhe mjetet me të cilat është kryer kjo vepër.
“Viktima dyshohet të jetë lënduar nga një mjet i mprehtë dhe të njëjtit i është ofruar ndihma mjekësore”.
Gjithashtu, theksohet se rasti është duke vazhduar të hetohet.
“Policia ka dalë në vendin e ngjarjes dhe ndërkohë që ka identifikuar të dyshuarën, po vazhdon trajtimin e rastit në koordinim me prokurorin për të mitur”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com