“Zyrtarisht ka përfunduar” – Fury njofton që Joshua nuk u përgjigj në kohë për duelin e shumëpritur

Tyson Fury ka deklaruar se lufta e tij me Anthony Joshua në kategorinë e rëndë të ka përfunduar “zyrtarisht”.

Kishte zëra se përballja e shumëpritur do të ndodhte më në fund në dhjetor.

Megjithatë, pasi Fury i vendosi Joshua-s një afat deri të hënën në orën 17:00 për të nënshkruar kontratën, ai ka thënë se lufta nuk do të ndodhë më.

“Është zyrtare, koha ka përfunduar. Ka kaluar afati i dhënë dhe asnjë kontratë nuk është nënshkruar”, tha Fury në rrjetet sociale.

‼️ Tyson Fury has now declared that he will NOT be fighting Anthony Joshua next because AJ has not signed the contract today…

[📽️ @Tyson_Fury] pic.twitter.com/WpwWDAUnv2

— Michael Benson (@MichaelBensonn) September 26, 2022

“Ka përfunduar zyrtarisht për Joshua-n, ai tani është jashtë në të ftohtë me tufën e ujqërve, harrojeni. Idiot, frikacak, Budybilder, e dinte gjithmonë. Gjithmonë e kam ditur që nuk ke atë që duhet për të luftuar kundër mbretit cigan,” shtoi ai.

“Pavarësisht se çfarë thua tani, nuk më intereson. Fat i mirë në karrierën dhe jetën tuaj”, tha Fury në rrjetet sociale.

Nëse Fury nuk ndeshet me Joshua-n, ai mund të takohet me 37-vjeçarin, Mahmoud Charr, i cili ka një rekord në karrierë 37-4.

Charr ishte përmendur si një kundërshtar i mundshëm përpara se Fury të sugjeronte se do të luftonte Joshua-n.

Një përplasje me Oleksandr Usyk, i cili mundi Joshua-n në meçin e tij më të fundit, duket sikur do të duhet të presë vitin e ardhshëm.

Usyk ka thënë se lufta e vetme që dëshiron më pas është një përplasje e padiskutueshme me Fury-n, edhe pse ai mund të ndeshet gjithashtu me Canelo Alvarez dhe një luftë në shtëpi në Ukrainë përpara se të tërhiqet.

Joshua iu përgjigj kërkesave të Fury-t gjatë fundjavës duke thënë se kontrata ishte me avokatët e tij.

“Kam vite që nënshkruaj kontrata. Nuk është në dorën time, është me ekipin ligjor”, tha Joshua në Instagram.

“Kjo është arsyeja pse ju punësoni avokatë. Nëse e dini historinë e boksit, sigurohuni që t’i keni kushtet ligjore të drejta, kjo është arsyeja pse ju merrni një menaxhim të mirë dhe avokatë të mirë për t’u siguruar që biznesi juaj të jetë i drejtë”, shoti Joshua.

“Sigurisht që do të nënshkruaj kontratën, vetëm duhet të pres disa momente”, përfundoi Anthony Joshua.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.