Karim Benzema i ka dhënë fund karrierës së tij me kombëtaren e Francës.
Lajmin e ka bërë të ditur vetë ai, i cili përmes një postimi të shkurtër në rrjetet sociale, ka thënë se nuk do të jetë më pjesë e “Gjelave”.
“Kam bërë përpjekjet dhe gabimet e nevojshme për të qenë këtu ku jam sot dhe jam krenar për këtë! Unë kam shkruar historinë time dhe e jona po mbaron,” shkruan Benzema mbi një foto të tijën me fanellën e Francës.
J’ai fait les efforts et les erreurs qu’il fallait pour être là où je suis aujourd’hui et j’en suis fier !
J’ai écrit mon histoire et la nôtre prend fin. #Nueve pic.twitter.com/7LYEzbpHEs— Karim Benzema (@Benzema) December 19, 2022
Ylli i Real Madrid-it, i cili sot (19 dhjetor) mbushi 35 vjet, u aktivizua në 97 ndeshje me kombëtaren franceze, prej të cilave ka shënuar 37 gola.
Suksesi i vetëm i tij me Kombëtaren u shënua në vitin e kaluar, ku Franca e fitoi Ligën e Kombëve.
Ai gjithashtu është aktivizuar edhe me moshat e Francës, duke fituar Kampionatin Evropian U-17 në vitin 2004.
Fituesi i Topit të Artë (këtë vit) ishte një mungesë e madhe në Kupën e Botës në Katar, ku Franca e tij shkoi deri në finale, teksa u mposht nga Argjentina pas ekzekutimit të penalltive.
Ai pësoi një dëmtim në ditët e fundit të stërvitjeve, para se të niste Botërori.
Kujtojmë që Benzema ishte i përjashtuar nga kombëtarja nga viti 2015 deri më 2021, për shkak të një zënke me shokun e tij të atëherëshëm Mathieu Valbuena-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Duke treguar përgjegjësi të guximshme për Evropën tonë
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku