Presidenti i Ukrainës, Volodymyr Zelensky, i ka kërkuar kryeministrit izraelit Bennet që të ndërmjetësojë mes Ukrainës dhe Rusisë, në mes të betejës së Kievit.
Ky lajm bëhet i ditur nga mediat izraelite që citojnë një burim të informuar.
Ata folën përmes telefonit dhe Izraeli është i vetmi vend perëndimor që ka marrëdhënie mjaft të mira me të dyja vendet.
Zëdhënësi i Kremlin-it, Dmitry Peskov, në një deklaratë tha se ishte i gatshëm të zhvillonte bisedime me qeverinë ukrainase për statusin e saj neutral.
Peskov, gjatë fjalës së tij, u ndal te lëvizjet e fundit të Rusisë ku tha se nuk po kryhet pushtim, por “qëllimi i operacionit është çmilitarizimi i Ukrainës”.
“E ardhmja e Ukrainës qëndron në zgjedhjen e njerëzve të saj”, deklaroi Peskov.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
