Zëdhënësi i DASH-it: Vijojmë partneritetin me kryeministrin Rama, përgëzojmë fushatën e opozitës
Zëdhënësi i Departamentit Amerikan të Shtetit, Ned Price ka reagur të mërkurën e 28 prillit në Twitter nëpërmjet një statusi. Ai përgëzon popullin e Shqipërisë për zgjedhjet parlamentare të 25 prillit që u zhvilluan në të gjithë vendin.
Sa i takon mandatimit të tretë të kryeministrit Rama, ai shpreh vijimin e bashkëpunimit dhe partneritetit të ngushtë midis të dy vendeve. Sakaq Price përgëzoi dhe fushatën e fortë të opozitës, sinjal i qartë për qetësinë e ruajtur dhe rigorozitetin elektoral.
Zëdhënësi Price në emër të sekretarit Blinken, theksoi se respektimi i rezultateve nga këto zgjedhje legjitime forcon demokracinë e Shqipërisë.
The U.S. congratulates the people of Albania on their recent elections. We look forward to continuing our close partnership with Prime Minister Rama and commend the opposition's strong campaign. Respect for the results of legitimate elections strengthens Albania's democracy.
— Ned Price (@StateDeptSpox) April 28, 2021
“SHBA-të përgëzojnë popullin e Shqipërisë për zgjedhjet e tyre të fundit. Ne shpresojmë të vazhdojmë partneritetin tonë të ngushtë me kryeministrin Rama dhe të përgëzojmë fushatën e fortë të opozitës. Respektimi i rezultateve të zgjedhjeve legjitime forcon demokracinë e Shqipërisë. Zëdhënësi @StateDept”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com