Belgjika ka eliminuar Portugalinë nga Kampionati Evropian “Euro 2020”, duke e mposhtur me rezultat minimal 1:0, në fazën e 1/8-ve të finales.
Ndeshja ishte shumë dramatike, pavarësisht që nuk u shënuan shumë gola, përveç atij të minutës së 42-të, nga Thorgan Hazard.
Pas golit të disavanatazhit, portugezët tentuan shumë herë portën, por pa arritur dot të shënojnë.
Madje shtyllën e qëlloi pak minuta para fundit, futbollisti i Dortmund-it, Raphael Guerreiro.
Pas përfundimit të ndeshjes Cristiano Ronaldo i tha portierit të Belgjikës, Thibaut Courtois se kombëtarja e tij ishte me fat kundër Portugalisë.
🗣️ "[The ball] didn't want to go in today."
🇧🇪🆚🇵🇹 Thibaut Courtois & Cristiano Ronaldo after the final whistle…#EURO2020 pic.twitter.com/oBDyZG3f8j
— UEFA Nations League (@EURO2024) June 27, 2021
Në videon e postuar nga llogaria zyrtare e Twitter të Euro 2020, Ronaldo i tha portierit të Real Madrid-it se Belgjika ishte “me fat dhe topi nuk donte të hynte në gol”, përpara se t’i uronte Courtois “fat të mirë” për vazhdimin e Kampionatit Evropian.
Kujtojmë që Ronaldo u bë rekordmen në këtë Kampionat Evropian, duke u bërë golashënuesi më i mirë në historinë e Kampionateve Evropiane.
Ai gjithashtu theu një rekord tjetër, duke u bërë futbollisti i vetëm që merr pjesë në pesë Kampionate Evropiane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Prokuroria i kërkon Policisë arrestimin e xhudistit Akil Gjakova, dyshohet për dhunë në familje
-
Nokauti i frikshëm i Joshua-s, Helenius kishte nevojë për oksigjen
-
25 shkurt 1964 – kur bota njohu kampionin e ri Muhamed Ali
-
Tifozët grekë provokojnë, shfaqen me flamur të Serbisë, brohorasin “Kosova është Serbi”
