Zbarkimi i parë i Forcës së Sigurisë së Kosovës krah ushtrisë amerikane në Kuvajt

Ministria e Mbrojtjes në Kosovë ka publikuar të shtunën një fotografi të tre pjesëtarëve të Forcave të Sigurisë së Kosovës (FSK), duke mbajtur flamurin e Kosovës të cilët janë bërë pjesë e një misioni paqeruajtëse krah ushtrisë amerikane me mision në shtetin e Kuvajtit.

Kjo Ministri ka deklaruar se kjo do të ndihmojë të forcojë aftësinë për të mbrojtur veten duke përmirësuar ndërveprueshmërinë me partnerët amerikan.

“Bashkë-zbarkimi i parë ndërkombëtar i Forcës së Sigurisë së Kosovës me U.S. Army në Kuvajt, do të ndihmojë të forcojë aftësinë tonë për të mbrojtur veten duke përmirësuar ndërveprueshmërinë me partnerët tanë Amerikan”, thuhet në postimin e publikuar në rrjetin social “Facebook”, duke shtuar se Kosova po kontribuon për paqen dhe sigurinë ndërkombëtare.

Departamenti i Mbrojtjes së Shteteve të Bashkuara të Amerikës përmes një postimi në Twitter ka uruar Forcën e Sigurisë së Kosovës për bashkëpunimin e parë me Ushtrinë Amerikane gjatë misionit paqeruajtëse në Kuvajt. 

“Gjatë këtij misioni, partnerët e Kosovës do të fitojnë përvojë të mekanikës dhe logjistikës në botën reale duke punuar me Ushtrinë Amerikane”, thuhet në postimin Departamenti i Mbrojtjes së SHBA-së në Twitter. 

Sipas Ambasadorit të SHBA-së në Kosovë Phillip Konsett, vendosja e trupave të FSK-së në Kuvajt është një moment historik.

“Demonstrimi i gatishmërisë së Kosovës për të përqafuar përgjegjësitë përtej kufijve të saj që kontribuojnë në sigurinë rajonale dhe globale”, ka shkruar Kosnett në llogarinë e tij në Twitter. 

The @KSF_Kosova – @USArmy co-deployment to #Kuwait is a true milestone — not only for #Kosovo's own defense, but as a demonstration of #Kosovo's willingness to embrace responsibilities beyond its borders that contribute to regional & global security. https://t.co/D2ztcHT3IY

— Ambassador Jeff Hovenier (@USAmbKosovo) May 8, 2021

Për misionin paqeruajtëse të FSK-së në Kuvajt është deklaruar edhe Presidentja e Kosovës Vjosa Osmani, e cila ndjehet krenar me ushtarët pjesëmarrës të cilët e lartësojnë flamurin e Republikës së Kosovës në Kuvajt.

“Kosova do të jap kontributin e saj në misione paqeruajtëse në botë përkrah aleatëve tanë. Falënderim i veçantë për mbështetjen e Shteteve të Bashkuara të Amerikës e Gardës Kombëtare të Iowas”, ka shkruar Osmani.

We are extremely proud of our soldiers, who are raising the flag of the Republic of Kosovo in Kuwait on a peacekeeping mission.

We are honoured to serve alongside our allies. Special thanks to the United States army & @DeptofDefense for their support. 🇽🇰🇺🇸 https://t.co/XYJvooywEz

— Vjosa Osmani (@VjosaOsmaniPRKS) May 8, 2021

Vendimi për dërgimin e kontingjentit të FSK-së në misionin e parë jashtë vendit ishte marrë më 31 dhjetor 2020.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.