Për ish-gjyqtarin e Gjykatës Supreme, Zoran Ivosheviç, nën udhëheqjen e Aleksandër Vuçiç, shteti i Serbisë nuk njehë më parimin e ndarjes së pushteteve.
Sipas tij presidenti i Serbisë, Aleksandër Vuçiç, dëshiron me ngulmë të udhëheqë të tre pushtetet – atë të ekzekutivit, legjislativit dhe gjyqësorit.
“Ai [Vuçiç] është edhe kreu i shtetit edhe kryeministër dhe dëshiron të jetë edhe gjyqësori, ai ushtron të tria këto kompetenca, pra ai ka kompetencat e Mbretëreshës së Anglisë”, ka thënë Ivosheviç.
Sipas Ivosheviç nuk është aspak praktik e zakonshme që të akuzuarit të deklarohen para mediave, kur të njëjtën gjë nuk bëjnë para prokurorit.
“Kjo cenon mbrojtjen e barabartë të të drejtave para gjykatave dhe organeve të tjera shtetërore, e garantuar me nenin 36, paragrafi 1 i Kushtetutës. Një praktikë e tillë mund të ketë edhe një lloj ndikimi te autoritetet gjyqësore, veçanërisht kur personi i suspenduar flet publikisht për atë që nuk ka dashur të deklarojë para prokurorit apo gjykatësit”, ka thënë Ivosheviç.
Doktrina e ndarjes së pushteteve ndërton një sistem të drejtë qeverisje duke dalluar brenda një strukture të vetëm tre degët e pushtetit. Kompetencat që i janë dhënë njërës degë, balancohen me mjaft kujdes nga kompetencat e dy të tjerëve.
Pra sipas Ivosheviç në Serbi nuk ekziston mekanizmi i cili në Shkencat Politike njihet si “check and balance”, dhe i cili ka për qëllim kufizimin e pushtetit të një udhëheqësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Me ardhjen e Qeverisë Kurti ndryshoi qasja e Kosovës ndaj dialogut për një marrëveshje përfundimtare, thotë Lajçak
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Rama konfirmon vizitën në Athinë më 12 maj
-
Pashkët Ortodokse sjellin fluks në pikat kufitare, dhjetëra mijëra kalime në 24 orë drejt Greqisë