Njësitë kundër terrorizmit të Pakistanit, para agimit të së martës, bastisën një vendstrehim të grupit të Shtetit Islamik në provincën jugperëndimore Baluchistan.
Një shkëmbim zjarri u shkaktua, në të cilin 11 militantë të IS u vranë, sipas njoftimit tё policisё.
Duke vepruar sipas inteligjencës, njësitë kryen bastisjen në rrethin e Mastung, ku kohët e fundit militantët e IS vranë dy policë.
Policia tha se në këtë bastisje u konfiskuan rripa vetëvrasës, granata dore dhe pushkë.
Departamenti kundër terrorizmit nuk dha detaje të mëtejshme dhe kombësia e militantëve të vrarë nuk u bë e ditur menjëherë.
Policia kundër terrorizmit është një degë e veçantë e policisë që lufton grupet militante.
Quetta është kryeqyteti i provincës Baluchistan, ku grupi i IS ka ndërmarrë disa sulme vitet e fundit.
IS ka filiale rajonale, si në Pakistan, ashtu edhe në Afganistanin fqinj.
Baluchistan është gjithashtu skena e një kryengritjeje të nivelit të ulët nga grupet separatiste të Baluch-it, të cilët kanë vënë në shënjestër edhe punëtorët jo-Baluch.
Megjithatë, ndryshe nga Shteti Islamik, ata nuk kanë histori të sulmeve ndaj komunitetit pakicë shiit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Zgjedhjet evropiane dhe loja e aleancave
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Policia e Shtetit duhet të rrisë rezultatet dhe besimin e publikut, thotë Balla
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar
