Vitia kritikohet nga Zemaj: Studimi i fizibilitetit për sistemin informativ shëndetësor në fazën finale
Ministri i Shëndetësisë, Arben Vitia është duke raportuar në Komisionin për Shëndetësi dhe Mirëqenie Sociale, mbledhja ndaj tij në menaxhimin e këtij sektori ka nisur me kritika nga ish-ministri i Shëndetësisë dhe deputeti i Lidhjes Demokratike të Kosovës, Armend Zemaj.
Zemaj, ka thënë se ligji i vetëm është miratuar me përkrahjen e opozitës, teksa akuzoi ministrin Arben Vitia se vendosja e sekretarit si kryesues i Bordit të Shërbimit Spitalor Klinik Universitar të Kosovës (ShSKUK), është përzierje e kompetencave.
“Viti i tretë i kësaj qeverie me një ligj të aprovuar. Ligji i vetëm që është miratuar është me përkrahjen e opozitës. Vendosja e sekretarit si kryesues të Bordit të SHKUK-së është përzierje e kompetencave. Neve po na pyesin mediat ku është llogaridhënia për SISH (Sistemi i Informatave Shëndetësore), tash po thoni që është duke u bërë studim fizibiliteti, janë dhënë miliona euro”.
“Agjencia e barnave nuk vërehet fare. E kemi parë çfarë ndodhi me insulina. Fatkeqësisht nuk shihet fare”, deklaroi Zemaj.
Gjithashtu, ministri u shpreh se qëndrojnë disa nga deklarimet e deputetit, por me disa vërejtje.
“Kush më mirë se ju e dini që dy vjet e para jemi marrë me COVID. Atë çka nuk mund ta pranoj është ajo për vendosjen e atyre që i quajtët militantë publikë në pozita publike. Asnjëherë më pas nuk ka pasur militantë publikë në menaxhimin e shëndetësisë”, shtoi ai.
Për studimin e fizibilitetit, Vitia u shpreh se “sistemi informativ shëndetësor është në fazën finale”.
Teksa shtoi se në kuadër të programit legjislativ, këtë vit është paraparë edhe hartimi i tetë i projektligjeve.
Sipas tij, “deri më tani janë realizuar dy akte ligjore”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
Bardhi: Dënoj me forcë aktin kriminal ndaj gjyqtarit Sterkaj
-
Australianët bëjnë thirrje për ligje më të ashpra për dhunën ndaj grave
-
“Në ring s’na ka mposhtur askush”, Ahmeti, VMRO-së: Më 24 prill u përballëm me VLEN-in, më 8 maj me ju