Këshilli për Mbrojtjen e të Drejtave e të Lirive të Njeriut (KMDLNJ), ka reaguar pas liturgjisë së mbajtur nga serbët në kishën e cila gjendet në oborrin e kampusit të Universitetit të Prishtinës.
KMDLNj ka theksuar se rasti i mbajtjes së Liturgjisë në një objekt të papërfunduar dhe me status të parregulluar, konsiderohet si provokim.
“Në prag të vazhdimit të bisedimeve midis Kosovës dhe Serbisë, Kisha Ortodokse serbe e mbajti Liturgjinë në Kishën Ortodokse Politike. Kjo kishë që moti është dashur të zhvendoset nga ajo hapësirë dhe vetëm oportuniteti politik i politikanëve vendorë dhe kërcënimi i faktorit ndërkombëtarë e ka mbajtur mbi këmbë. KMDLNJ e kundërshton manipulimin e fesë për qëllime politike”.
Kështu thuhet në njoftimin e KMDLNJ-së, sipas të cilës, aktivitetet e tilla nuk duhet të lejohen në të ardhmen.
“KMDLNj tërheq vërejtjen se këto veprime provokuese të KOS – mund dhe do të provokojnë reagimin e studentëve të UP-së, me pasoja të paparashikueshme. Institucionet e Kosovës duhet të veprojnë që të parandalojnë eskalimin e situatës ndryshe do të marrin përgjegjësi për pasojat e mundshme”, thuhet në reagim.
Përveç këtij reagimi, edhe ushtruesi i detyrës së Kryetarit të Partisë Demokratike të Kosovës, Enver Hoxhaj, ka reaguar duke e akuzuar Qeverinë e Kosovës për dhënien e lejës së këtij organizimi.
Ai ka thënë se pa ofrimin e sigurisë dhe mbështetjes politike nga qeveria, nuk do të mund të sigurohej ardhja e Ipeshkvit Teodosije dhe pelegrinëve serbë.
Sipas tij, kjo liturgji më së paku është fetare dhe një liturgji që “është thellësisht politike, është e dhimbshme dhe e papranueshme”.
“Liturgjia e Kishës Ortodokse Serbe në qendër të Prishtinës u bë sot me lejen dhe dijeninë e plotë të qeverisë së Kosovës. Gjithçka rreth saj është politike, që për qëllim ka vetëm shtrembërimin e historisë, të vërtetës dhe arsyetimin e një regjimi gjenocidial si ai i Millosheviçit”, ka shkruar Hoxhaj në Facebook.
“Prandaj, sot, fatkeqësisht u kërcënua karakteri i shtetit të Kosovës dhe u hapën tema të reja në dialogun me Serbinë që do të konfirmohen në takimin e 15 qershorit mes Kurtit dhe Vuçiçit”, shtoi ai.
Edhe kandidati për kryetar të komunës së Prishtinës, Daut Haradinaj, ka reaguar pas mbajtjes së liturgjisë së sotme në kishën e krishterë ortodokse serbe duke thënë se është ofendim ndaj qytetarëve tanë.
“Me gjithë respektin për liritë fetare, liturgjia ortodokse serbe e mbajtur sot në kishën e kontestuar në oborrin e Universitetit të Prishtinës, kishë kjo e ndërtuar mbi idetë fashiste millosheviqiane, është shkelje e dinjitetit të Republikës sonë e mbi të gjitha ofendim ndaj qytetarëve tanë”, ka shkruar ai në Facebook
Haradinaj ka kërkuar nga Qeveria e Kosovës dhe Komuna e Prishtinës që të reagojnë menjëherë për këtë rast.
Kjo kishë kishte nisur të ndërtohej në vitin 1992, në kohën e regjimit të Slobodan Milosheviçit, por deri në përfundim të luftës në Kosovë, më 1999, nuk arriti të përfundohej.
Kjo Kishë Ortodokse serbe mund të përfundojë në listën e rrënimeve, pasi askush nuk ka aplikuar për regjistër të ndërtimeve pa leje, në afatin që është përmbyllur në fillim të muajit qershor të vitit 2015.
E ndërtuar nën masat e dhunshme të viteve të 90’ta, kisha “Shpëtimtari i Krishtit”, është në shpërputhje edhe me Ligjin për trajtimin e ndërtimeve pa leje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Houthit e Jemenit dëmtojnë cisternën e naftës, rrëzojnë dronin amerikan
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë
-
‘Flet partia e vulës për moral’, Meta për Bashën: Edhe kur fle nuk ngopet së gënjyeri
-
Realizuam procedurën e paraaplikimit në SEPA, thotë ministri Mete
Lajmet kryesore
-
Meta “harron” Dumanin – akuza dhe paralajmërime për kundërshtarët
-
Realizuam procedurën e paraaplikimit në SEPA, thotë ministri Mete
-
Houthit e Jemenit dëmtojnë cisternën e naftës, rrëzojnë dronin amerikan
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë